Niðurstöður frá hollenska meistaramótinu
Hollenska meistaramótið fór fram í Oirschot um helgina þar sem keppt var í hefðbundnum greinum í íþróttakeppni auk skeiðgreina.
Helstu úrslit mótsins voru þau að Tom Buijtelaar vann keppni í Tölti T1 á Amor frá Hinriksstöðum en einkunn þeirra í úrslitum var 7,28.
Í fjórgangi V1 var það Marianne Timmerman-Alberts sem efst stóð á Prinsessa van ´t Slingerbos með einkunnina 6,77 og í fimmgangi F1 stóð efst Anne-Lene van Engelen á Fák frá Mið-Fossum með 6,79 en hún vann einnig keppni í 100 metra skeiði á Rökkva frá Vatnshömrum á 8,05 sekúndum.
Besta tímann í 250 metra skeiði setti Marjolein Strikkers á Spjót frá Fitjum 24,26 sekúndur og í 150 metra skeið var það Leonie van Eijken á Snerpu sem hljóp á tímanum 16,49 sekúndur.
Öll önnur úrslit má nálgast með því að smella hér.