Ragnar Snær keppir til A-úrslita í tölti

9. ágúst 2024
Fréttir

Forkeppni í tölti ungmenna

Í dag fer fram annar keppnisdagurinn á Noðurlandamótinu í Herning. Mikil rigning gekk þar yfir nú í morgun og þar er töluverður vindur. Samkvæmt veðurspá á að stytta upp eftir því sem á daginn líður og gera blíðu um helgina.

Fyrsta keppnisgrein dagsins var Tölt T1 ungmenna, 18 keppendur tóku þátt í forkeppninni og þar af þrír landsliðsmenn Íslands þau Guðný Dís Jónsdóttir, Ragnar Snær Viðarsson og Selma Leifsdóttir.

Ragnar Snær Viðarsson keppti á Gimsteini frá Íbíshóli og tryggði sér annað sætið og keppnisrétt í A-úrslitum með einkunnina 6,87. Gimsteinn er stóðhestur undan Óskasteini frá Íbishóli og Ljósbrá frá Hólabaki.

Guðný Dís var með fyrstu knöpum í braut á Kristali frá Jaðri en hlaut hún í einkunn 5,40 og náði hún ekki til úrslita. Selma Leifsdóttir á Varúlfi frá Eylandi hlaut einkunnina 6,27 sem dugði henni ekki heldur til úrslita.

Efst að lokinni forkeppni er Amanda Frandsen Hryssunni Tinnu frá Litla-Landi með 7,10 í einkunn. Tinna er undan Hring frá Gunnarsstöðum og Vöku frá Tungu. Amanda keppir fyrir hönd Danmerkur.

Í þriðja sæti er Lára Gardarsdottir Hesselman á Álfi fra Knutshyttan með 6,77 í einkunn, Lára keppir fyrir hönd Svíþjóðar.

Forkeppni ungmenna í tölti T1

#	Knapi	Hestur	Einkunn
1	Amanda Frandsen	Tinna frá Litlalandi	7.10
2	Ragnar Snær Viðarsson	Gimsteinn frá Íbishóli	6.87
3	Lára Gardarsdottir Hesselman	Álfur från Knutshyttan	6.77
4.1	Maria Gjellestad Bosvik	Tindur fra Jakobsgården	6.73
4.2	Rakel Brattalid Tindskard	Sílas vom Forstwald	6.73
6.1	Miina Sarsama	Freir fra Kaakkola	6.70
6.2	Palma Sandlau Jacobsen	Sjóli von Teland	6.70
6.3	Luisa Husby Sem	Bakkus fra Grundet Hus	6.70
9	Klara Solberg	Sabrína frá Fornusöndum	6.50
10	Lilly Björsell	Börkur fra Kleiva	6.43
11.1	Thea Hansen	Varða frá Feti	6.37
11.2	Sekine Brewster	Meistari från Lindarbakka	6.37
13	Julie Thorsbye Andersen	Garpur frá Kjarri	6.27
13	Selma Leifsdóttir	Varúlfur frá Eylandi	6.27
15	Hedda Moldestad	Blökk frá Skjálg	6.13
16	Herman Gundersen	Vésteinn frá Bakkakoti	5.93
17	Amelie Segerström	Kopar frá Sunnuhvoli	5.83
18	Guðný Dís Jónsdóttir	Kristall frá Jaðri	5.40