Herdís Björg deilir efsta sætinu í slaktaumatöltinu

Forkeppni í slaktaumatölti í ungmennaflokki er lokið á Norðurlandamótinu en það er grenjandi rigning á svæðinu. 12 keppendur tóku þátt og áttu íslendingar tvö fulltrúa þær Herdísi Björgu Jóhannsdóttur og Huldu Maríu Sveinbjörnsdóttur.

Herdís Björg á Elskamin von Erkshausen deilir efsta sætinu með Lilly Björsell á Börk fra Kleiva en þær hlutu báðar 7,13 í einkunn. Þær Hulda María og Hetja frá Árbæ stóðu sig líka vel en þær lentu hins vegar í smá brasi á slaka taumnum sem hafði áhrif á einkunn þeirra. Þær enduðu með 6,10 í einkunn og í níunda sæti.

Hér fyrir neðan eru niðurstöður úr forkeppni í slaktaumatölti í ungmennaflokki.

Forkeppni – Slaktaumatölt T2 – Niðurstöður