12 hross með úrvalsfætur
Heiðir frá Stóra-Bakka Ljósmynd: Facebook DI-avl og kåringer
Nú þegar kynbótasýningum ársins er lokið er gaman að renna yfir “níufimmur og tíur ársins” í einstökum eiginleikum. Næsti eiginleiki sem við tökum fyrir hér á vef Eiðaxa er fótagerð.
Dómur á fótagerð skiptist í mat á útliti fótanna þar sem staða fram- og afturfóta er metin, sverleiki liða, lengdarhlutföll beina, vöðvafylling og prúðleiki þeirra; einnig er átak á fótum metið en þar er skoðuð þykkt sina, aðgreining þeirra frá leggjum og hversu þurrar sinar eru. Útlit fótanna vegur þyngra við einkunnagjöfina en átakið.
Eitt hross hlaut einkunnina 10,0 fyrir fótagerð í ár en það var Heiðir frá Stóra-Bakka, 5.vetra gamall stóðhestur undan Hreyfli frá Vorsabæ og Þöll frá Vík í Mýrdal. Hann er ræktaður af Benedikt Snorrasyni og Ann-Kristin Künzel en er í eigu Mw. A.K. Metz og var sýndur í Danmörku. Til viðbótar fengu 11 hross einkunnina 9,5 fyrir fótagerð.
| Nafn ▾ | Uppruni í þgf. | Faðir | Móðir |
| Elja | Efri-Hrepp | Eldjárn frá Skipaskaga | Askja frá Efri-Hrepp |
| Fönix | Langhúsum | Eldur frá Torfunesi | Hersing frá Langhúsum |
| Heiðir | Stóra-Bakka | Hreyfill frá Vorsabæ II | Þöll frá Vík í Mýrdal |
| Hekla | Dallandi | Glúmur frá Dallandi | Tekla frá Dallandi |
| Hrókur | Sunnuhvoli | Hrannar frá Flugumýri II | Urður frá Sunnuhvoli |
| Kóngur | Teland | Kleó frá Hofi | Samba fra Teland |
| Landfari | Fellsmúla | Eldjárn frá Skipaskaga | Auðmýkt frá Bjarkarhöfða |
| Muninn | Litla-Garði | Skaginn frá Skipaskaga | Mirra frá Litla-Garði |
| Náttfari | Gunvarbyn | Grímur frá Efsta-Seli | Nótt fra Ørskog |
| Refur | Lækjarbotnum | Konsert frá Hofi | Víma frá Lækjarbotnum |
| Sif | Stuðlum | Útherji frá Blesastöðum 1A | Þerna frá Arnarhóli |
| Skvísa | Tøpholm | Óðinn vom Habichtswald | Andrá frá Skarði |
Fyrri umfjallanir um 9,5-10 fyrir einstaka eiginleika:
Garðshorn á Þelamörk er keppnishestabú ársins 
Nýr knapi í liði Top Reiter 
