Meistaradeild Líflands í beinni á Eiðfaxa TV

Það er Eiðfaxa sannur heiður að hafa undirritað samning til tveggja ára við forsvarsmenn Meistaradeildar Líflands í hestaíþróttum um það að hún verði í beinni útsendingu á streymisveitum Eiðfaxa TV næstu tvö tímabil.

Það er ekki á neinn hallað þegar sagt er að Meistaradeild Líflands í hestaíþróttum sé drottning innanhúsmótaraðanna og flaggskip íslandshestamennskunnar yfir vetrarmánuðina. Meistaradeildin hefur allt frá stofnun hlotið mikla athygli allra unnenda íslenska hestsins, hvar sem þeir eru staddir í heiminum. Eiðfaxi TV mun sjá til þess að í vetur verði enginn breyting þar á heldur frekar bætt í við það að koma efni sem við kemur Meistaradeildinni á framfæri.

Þá munum við halda áfram, líkt og við höfum alltaf gert, við það að gera deildinni góð skil á vef okkar með alls kyns ítarefni.

Meistaradeildin hefur göngu sína í vetur á keppni í HorseDay höllinni að Ingólfshvoli þann 23. janúar þar sem keppt verður í fjórgangi.