Hestamaður ársins 2024

Tilnefingar um val á hestamanni ársins berast nú í stríðum straumi til Eiðfaxa. Við hvetjum fólk til þess að senda okkur tilnefningar um þá sem vinna óeigingjörn störf fyrir okkur hestamenn greininni til heilla.

Tekið er við tilnefningum með því að smella á þennan link HÉR. Frestur til að tilnefna rennur út mánudaginn 16. desember. Í tilnefningunni þarf nafn viðkomandi að koma fram auk upplýsinga um hvers vegna viðkomandi á skilið að vera útnefndur sem maður ársins.

Farið verður yfir tilnefningar með tilliti til rökstuðnings og fjölda tilnefninga sem hver og einn fær. Á milli þeirra fimm sem fá flestar tilnefningarnar fer svo fram atkvæðagreiðsla á vef Eiðfaxa. Manneskjan sem verður fyrir valinu verður heiðruð í lok árs.

Þetta er í þriðja skipti sem Eiðfaxi stendur fyrir vali á manni ársins úr röðum hestamanna og verður spennandi að sjá hver hlýtur þann heiður árið 2024. Við á Eiðfaxa vonumst eftir góðri þátttöku og verðugum tilnefningum.