Rauðhetta með 8,80 fyrir hæfileika-

Rauðhetta frá Kommu hækkaði skeiðeinkunn sína úr 8,5 í 9,0 og fyrir stökk hækkaði hún úr 8 í 8,5 og fyrir hægt stökk úr 8 í 8,5. Glæsileg hæfileikaeinkunn hjá Rauðhettu, 8,80 og aðaleinkunn 8,52 og er því öruggur sigurvegari í flokki 6 vetra hryssa.

Sprengja vom Lipperthof frá Þýskalandi stendur í stað og lýkur keppni í 2. sæti með 8,31 í aðaleinkunn. Hin sænska Meyla fran Jemthagen hækkaði skeiðeinkunn sína úr 5 í 7 og skaut sér í þriðja sætið með 8,31 fyrir hæfileika og 8,27 í lokaeinkunn.

Annað gull fyrir Ísland er staðreynd.