Miðar á Stóðhestaveisluna í sölu á morgun

Á morgun verður hægt að kaupa miða á Stóðhestaveisluna 2025 sem haldin verður í HorseDay höllinni á Ingólfshvoli laugardaginn 5.apríl kl 18:00.

Þetta er stærsti og vinsælasti innanhúss viðburður hrossaræktarinnar á Íslandi svo ekki láta þessa veislu framhjá þér fara.

Hægt er að kaupa miða í verslunum Líflands í Reykjavík og á Suðurlandi og verslun Baldvins og Þorvaldar á Selfossi.

Vertu tímanlega að útvega þér miða en takmarkað magn er í boði og síðast komust færri að en vildu. Miðaverð er 6.500 krónur og hverjum miða fylgir Biblía hrossaræktendans, Stóðhestabókin!