Vel heppnaðir fyrstu Skeiðleikar ársins

Fyrstu skeiðleikar ársins fóru fram í gærkvöldi samhliða WR íþróttamóti Sleipnis á Brávöllum á Selfossi.  Skeiðfélagið á veg og vanda að framkvæmd skeiðleikanna og voru þeir í beinni útsendingu á sjónvarpi Eiðfaxa. Aðalstyrktaraðilar Skeiðfélagsins eru Fóðurblandan og Hrímnir sem gáfu verðlaun til efstu knapa í hverri keppnisgrein.

Góð skráning var á leikanna og sérstaka athygli blaðamanns vakti hversu margir ungir knapar tóku þátt auk margra nýrra hrossa, gefur þetta góð fyrirheit um komandi keppnistímabil og framtíðina í skeiðgreinum.

Niðurstöður

Í 250 metra skeiði var það Krókus frá Dalbæ setinn af Sigursteini Sumarliðasyni sem hraðast fór á tímanum 21,92 sekúndum. Frábær byrjun á keppnistímabilinu hjá þeim sem ætla sér sjálfsagt mikið á þessu ári. Annar varð Kastor frá Garðshorni á Þelamörk og Konráð Valur Sveinsson á tímanum 22,37 og í því þriðja varð Daníel Gunnarsson á Kló frá Einhamri á 22,85 sekúndum.

í 150 metra skeið voru þeir Kjarkur frá Árbæjarhjáleigu II og Konráð Valur Sveinsson á kunnulegum slóðum og sigruðu keppinauta sína á tímanum 14,27 sekúndum. Annar varð Grunnur frá Lækjarbrekku II og Þorgeir Ólafsson á tímanum 14,30 sekúndum og í þvi þriðja Birna Olivia Ödqvist á Sölku frá Fákshólum á 14,77 sekúndum.

Efstu knapar í 150 metra skeiði ásamt Einari Ásgeirssyni

Reynsluboltar röðuðu sér svo í efstu þrjú sætin í 100 metra skeiði. Besta tíma kvöldsins átti Ingibergur Árnason á Sólveigu frá Kirkjubæ á 7,50 sekúndum. Sveinn Ragnarsson varð annar á Kvisti frá Kommu á 7,64 sekúndum og þriðji varð Erlendur Ari Óskarsson á Örk frá Fornusöndum á 7,70 sekúndum.

Lávarðardeildin í 100 metra skeið