Óvænt úrslit í fjórgangi

 

Á hægu tölti var ljóst hverjir gerðu atlögu að bikarnum, Anne Stine Haugen á Muna frá Kvistum og Jóhann Skúlason á Hnokka frá Fellskoti og Frauke Schenzel á Tígli vom Kronshof fengu þá öll 8,33.

 

Frauke og Tígull tóku svo forystuna með listaflottri sýningu á brokki, fékk 8,17 og með jafnri og góðri fyrirmyndarsýningu á stökki, feti og greiðu tölti hélt hún henni allt til enda þó Jóhann og Hnokki hafi farið mikinn á yfirferðinni, uppskáru langhæstu einkunn keppenda – 9,17 og tryggðu sér þar með bronsið með 7,43 í lokaeinkunn.

 

Silfrið fór til ríkandi heimsmeistara í greininni Anne Stine og Muna með 7,70 í lokaeinkunn.

 

Frauke og Tígull voru þó vel af sigrinum komið, hlutu í lokaeinkunn 8,03.