Spennandi fjórgangsmót í Suðurlandsdeild Eques

9. mars 2026
Fréttir

Keppni hefst klukkan 18:30 í beinni á EiðfaxaTV

Þriðja keppnisgrein Suðurlandsdeildar Eques í hestaíþróttum fer fram á morgun, þriðjudaginn 10.mars. Keppni hefst klukkan 18:30 en Rangárhöllin opnar klukkan 17:30 þar sem veitingasalan verður á sínum stað.

Nú verður keppt í fjórgangi og líkt og áður eru það bæði atvinnu- og áhugamenn sem etja kappi en keppt er til úrslita í báðum þessum flokkum. Á síðasta móti var keppt í parafimi og slaktaumatölti og er staðan í liðakeppni jöfn og spennandi eftir þessar tvær greinar. Einungis munar sjö stigum á liðinu í efsta og fimmta sæti.

Staða efstu liða

Miðkot/Skeiðvellir 77 stig
Vöðlar/Snilldarverk 76 stig
Hestefli 75 stig
Krappi 73 stig
Bakkakoti 70 stig

Flott pör á ráslista

Þegar rýnt er í ráslista fyrir kvöldið má sjá mörg sterk pör og þeirra á meðal eru sigurvegararnir í atvinnumannaflokki frá því í fyrra þau Stella Sólveig Pálmarsdóttir og Stimpill frá Strandarhöfði en hún er eina parið á ráslista sem reið til úrslita í fjórgangi Suðurlandsdeildar á síðasta ári. Hrauney frá Flagbjarnarholti var í úrslitum í þessari grein í fyrra með Gyðu Sveinbjörgu sem knapa en nú keppir á henni Selina Bauer. Þær fá verðuga keppni í ár frá sterkum pörum sem hafa náð góðum árangri í fjórgangi og má þar nefna Bjarneyju Jónu Unnsteinsdóttur á Hrafni frá Ytri-Skógum, Heklu Rán Hannasdóttur á Ísberg frá Hákoti, Gústaf Ásgeir á Útherja frá Blesastöðum, Heklu Katharínu Kristinsdóttur á Rökkva frá Heysholti og Sigurði Sigurðarsyni á Þrótti frá Hvammi. Marga fleiri vel ríðandi frábæra knapa í þessum flokki mætti nefna og ljóst að hart verður barist um efstu sæti.

Í flokki áhugamanna er einungis að finna eitt keppnispar af þeim sem voru í úrslitum Suðurlandsdeildar á síaðsta ári en það er Soffía Sveinsdóttir á Skuggaprinsi frá Hamri sem urðu í sjötta sæti. Þá er einnig að finna á ráslista Ása frá Hásæti sem var í úrslitum í fyrra en mætir nú með öðrum knapa, Pernillu Göransson. Asa Ljungberg mætir þá á Fengsæl frá Jórvík sem var í A-úrslitum í flokki atvinnumanna í fyrra ásamt eiginmanni Aasu, Ólafi Ásgeirssyni. Líkt og í atvinnumannaflokknum eru margir í þessum áhugamannaflokki sem gætu gert góða hluti líkt og Sarah Maagaard Nielsen á Gjálp frá Miðkoti sem reið til úrslita í þessari grein í Samskipadeildinni fyrir tveimur vikum.

Allir sem geta eru hvattir til að mæta í Rangárhöllina á morgun til að njóta góðra hrossa en Samverk er aðalstyrktaraðili kvöldsins og býður gestu velkoma. Auk þess verður mótið í beinni útsendingu á EiðfaxaTV.

Ráslisti

Suðurlandsdeild Eques í hestaíþróttum 2026
Fjórgangur Samverks
Holl	At/Á	Knapi	Hestur	Lið
1	Á	Elísabet Gísladóttir	Víkingur frá Hrafnsholti	Wicked viking
1	Á	Kristinn Karl Garðarsson	Veigar frá Grafarkoti	Krappi
2	At	Ólafur Þórisson	Sleipnir frá Miðkoti	Miðkot/Skeiðvellir
2	At	Eva María Aradóttir	Drottning frá Hjarðarholti	Syðri-Úlfsstaðir/Traðarás
3	Á	Marie Hollstein	Títan frá Margrétarhofi	Bakkakot
3	Á	Þórdís Sigurðardóttir	Árvakur frá Minni-Borg	Raflagnaþjónusta Selfoss
4	At	Ingibjörg Sóllilja Baltasarsdóttir	Hrafn frá Vatni	Húsasmiðjan
4	At	Stella Sólveig Pálmarsdóttir	Stimpill frá Strandarhöfði	Vöðlar/Snilldarverk
5	Á	Brynja Pála Bjarnadóttir	Blesi frá Heysholti	Árbakki/Árbæjarhjáleiga
5	Á	Hulda Jónsdóttir	Dökkvi frá Miðskeri	Hestefli
6	At	Fríða Hansen	Brenna frá Leirubakka	Kastalabrekka
6	At	Malin Marianne Andersson	Vígur frá Einiholti	Wicked viking
7	Á	Hallgrímur Birkisson	Dofri frá Þjóðólfshaga 1	Krappi
7	Á	Soffía Sveinsdóttir	Skuggaprins frá Hamri	Miðkot/Skeiðvellir
8	At	Róbert Bergmann	Dökkvi frá Bakkakoti	Bakkakot
8	At	Hekla Katharína Kristinsdóttir	Rökkvi frá Heysholti	Árbakki/Árbæjarhjáleiga
9	Á	Þorbjörn Hreinn Matthíasson	Sambó frá Kanastöðum	Syðri-Úlfsstaðir/Traðarás
9	Á	Lilja Hrund Pálsdóttir	Reykur frá Prestsbakka	Húsasmiðjan
10	At	Þorgils Kári Sigurðsson	Gramur frá Syðra-Velli	Raflagnaþjónusta Selfoss
10	At	Guðmunda Ellen Sigurðardóttir	Mjallhvít frá Sumarliðabæ 2	Hestefli
11	Á	Aasa Ljungberg	Fengsæll frá Jórvík	Vöðlar/Snilldarverk
11	Á	Anne Röser	Lokkadís frá Þóreyjarnúpi	Kastalabrekka
12	At	Ásdís Brynja Jónsdóttir	Rós frá Fákshólum	Wicked viking
12	At	Gústaf Ásgeir Hinriksson	Útherji frá Blesastöðum 1A	Árbakki/Árbæjarhjáleiga
13	Á	Rúnar Freyr Rúnarsson	Kári frá Björgum	Bakkakot
13	Á	Pernilla Therese Göransson	Ási frá Hásæti	Húsasmiðjan
14	At	Sigurður Sigurðarson	Þróttur frá Hvammi	Krappi
14	At	Sigríkur Jónsson	Fjöður frá Brattholti	Syðri-Úlfsstaðir/Traðarás
15	Á	Malou Sika Jester Bertelsen	Kakali frá Glæsibæ	Kastalabrekka
15	Á	Snæbjörg Guðmundsdóttir	Dís frá Bjarnanesi	Hestefli
16	At	Katrín Sigurðardóttir	Ólína frá Skeiðvöllum	Miðkot/Skeiðvellir
16	At	Katrín Eva Grétarsdóttir	Dögg frá Þorlákshöfn	Raflagnaþjónusta Selfoss
17	Á	Hannes Brynjar Sigurgeirson	Hrókur frá Varmalandi	Vöðlar/Snilldarverk
17	Á	Jónas Már Hreggviðsson	Kolbeinn frá Hrafnsholti	Wicked viking
18	At	Svanhildur Guðbrandsdóttir	Eik frá Syðri-Fljótum	Krappi
18	At	Dagbjört Skúladóttir	Óskadís frá Miðkoti	Kastalabrekka
19	Á	Nanna Jónsdóttir	Hrefna frá Efri-Úlfsstöðum	Syðri-Úlfsstaðir/Traðarás
19	Á	Arney Ólöf Arnardóttir	Höfða-Rún frá Egilsstaðakoti	Árbakki/Árbæjarhjáleiga
20	At	Hekla Rán Hannesdóttir	Ísberg frá Hákoti	Bakkakot
20	At	Bjarney Jóna Unnsteinsd.	Hrafn frá Ytri-Skógum	Hestefli
21	Á	Sarah Maagaard Nielsen	Gjálp frá Miðkoti	Miðkot/Skeiðvellir
22	At	Selina Bauer	Hrauney frá Flagbjarnarholti	Húsasmiðjan
22	At	Ásmundur Ernir Snorrason	Feykir frá Strandarhöfði	Vöðlar/Snilldarverk
23	Á	Emma Goltz	Ösp frá Áskoti	Raflagnaþjónusta Selfoss