Páll Bragi og Vísir öruggir sigurvegarar í 1.deild Hringdu

12. mars 2026
Fréttir

Lið Fornusanda stigahæsta lið kvöldsins

Þriðja keppnisgrein í 1.deild Hringdu í hestaíþróttum fór fram í kvöld á Sörlastöðum í Hafnarfirði þegar keppt var í slaktaumatölti. Talsverð spenna var fyrir kvöldinu því hestakostur þeirra flinku knapa sem í deildinni keppa var góður, blanda af ungum og upprennandi hrossum og reynsluboltum. Sýnt var beint frá kvöldinu á EiðfaxaTV og voru þulir þeir Arnar Bjarki Sigurðarson og Þórarinn Ragnarsson.

Páll Bragi og lið Fornusanda sigurvegarar

Yfirburðir Páls Braga Hólmarssonar á Vísi frá Kagaðarhóli voru þónokkrir. Þeir leiddu að lokinni forkeppni með einkunnina 7,50, í öðru sæti var Þórdís Inga Pálsdóttir á Hólma frá Kaldbak með einkunnina 7,17 og í því þrijða Katrín Sigurðardóttir á Ólínu frá Skeiðvöllum með 7,13 í einkunn. Þeim fylgdu til A-úrslita þær Bergrún Ingólfsdóttir á Árvakri frá Kálfholti og Henna Johanna Siren á Herjanni frá Eylandi me 7,00. Síðastur inn í úrslitin var svo Hlynur Guðmundsson á Sóloni frá Ljósalandi í Kjós með 6,90 í einkunn.

Páll Bragi og Vísir héldu forystunni nokkuð örugglega í A-úrslitum og stóðu uppi sem sigurvegarar með einkunnina 7,67. Þeir hafa undanfarið verið á meðal allra bestu tölkeppnispara landsins og sýna fram á fjölhæfni sýna með því að ná slíkum árangri í slaktaumatölti. Þórdís Inga og Hólmi héldu öðru sætinu í A-úrslitum og enduðu með 7,29 í einkunn. Henna Siren og Herjann náðu þá að vinna sig upp um eitt sæti og enduðu í þriðja sætinu með 7,21 í einkunn.

Stigahæsta lið kvöldsins var svo lið Fornusanda en fyrir þeirra hönd í kvöld kepptu áðurnefnd Katrín Sigurðardóttir og Hlynur Guðmundsson sem riðu til úrslita og Ólafur Þórisson á Sólbirtu frá Miðkoti sem urðu í 10.sæti með 6,77 í einkunn.

Lið Fornusanda fagnar sigri í slaktaumatölti

Næsta keppniskvöld í 1.deild Hringdu er keppni í fimmgangi fimmtudaginn 26.mar á Sörlastöðum í Hafnarfirði.

Úrslit kvöldsins

Tölt T2
Fullorðinsflokkur – Meistaraflokkur
Forkeppni
Sæti	Knapi	Hross	Einkunn
1	Páll Bragi Hólmarsson	Vísir frá Kagaðarhóli	7,50
2	Þórdís Inga Pálsdóttir	Hólmi frá Kaldbak	7,17
3	Katrín Sigurðardóttir	Ólína frá Skeiðvöllum	7,13
4-5	Bergrún Ingólfsdóttir	Árvakur frá Kálfholti	7,00
4-5	Henna Johanna Sirén	Herjann frá Eylandi	7,00
6	Hlynur Guðmundsson	Sólon frá Ljósalandi í Kjós	6,90
7-8	Hulda María Sveinbjörnsdóttir	Lifri frá Lindarlundi	6,87
7-8	Jóhann Kristinn Ragnarsson	Blakkur frá Traðarholti	6,87
9	Sunna Sigríður Guðmundsdóttir	Ófeigur frá Þingnesi	6,83
10	Ólafur Þórisson	Sólbirta frá Miðkoti	6,77
11	Snorri Dal	Skjöldur frá Stóru-Mástungu 2	6,73
12	Reynir Örn Pálmason	Alfa frá Margrétarhofi	6,60
13	Fredrica Fagerlund	Sjarmur frá Fagralundi	6,53
14-15	Haukur Tryggvason	Hrafnar frá Hvoli	6,40
14-15	Vilborg Smáradóttir	Ræðu-Jarl frá Brúnastöðum 2	6,40
16	Hafþór Hreiðar Birgisson	Löngun frá Dýrfinnustöðum	6,37
17	Friðdóra Friðriksdóttir	Bylur frá Kirkjubæ	6,33
18	Hermann Arason	Sproti frá Vindási	6,07
19	Þorvaldur Logi Einarsson	Tangó frá Skriðu	5,93
20-21	Hannes Sigurjónsson	Goði frá Oddgeirshólum 4	5,63
20-21	Benedikt Ólafsson	Kilja frá Korpu	5,63
22	Katla Sif Snorradóttir	Svikari frá Litla-Laxholti	5,47
23	Thelma Dögg Tómasdóttir	Fjóla frá Vetri	4,53
24	Eysteinn Tjörvi K. Kristinsson	Svarta Rún frá Kviku	4,17
A úrslit
Sæti	Knapi	Hross	Einkunn
1	Páll Bragi Hólmarsson	Vísir frá Kagaðarhóli	7,67
2	Þórdís Inga Pálsdóttir	Hólmi frá Kaldbak	7,29
3	Henna Johanna Sirén	Herjann frá Eylandi	7,21
4	Katrín Sigurðardóttir	Ólína frá Skeiðvöllum	7,00
5	Hlynur Guðmundsson	Sólon frá Ljósalandi í Kjós	6,42
6	Bergrún Ingólfsdóttir	Árvakur frá Kálfholti	5,83