Valdís Mist í tveimur efstu sætum í gæðingatölti

Dagskrá Íslandsmóts barna og unglinga fer nú fram á félagssvæði Sleipnis á Brávöllum á Selfossi. Í gær fór fram forkeppni í hinum ýmsu keppnisgreinum og áfram skal haldið í dag, klukkan 09:30 byrjar fyrsta keppnisgrein dagsins sem er gæðingaskeið. Hægt er að horfa á mótið í beinni útsendingu á EiðfaxaTV. Dagskrá og niðurstöður eru þá aðgengilegar í snjallforriti HorseDay.

Í gæðingatölti barna sem fram fór í gær er efst Valdís Mist Eyjólfsdóttir á Ófeigi frá Þingnesi með einkunnina 8,68 en hún á einnig næst hæstu einkunnina á Hnotu frá Þingnesi með 8,64. Í þriðja sæti er Oliver Sirén Matthíasson á Gróu frá Þjóðólfshaga 1 með 8,61 í einkunn. Í fjórða sætinu er Helga Rún Sigurðardóttir á Seifi frá Brekkubæ með 8,58.

Niðurstöður gæðingatölt barnaflokki