Hilmir Páll og Heiður á toppnum í gæðingatölti unglinga

Dagskrá Íslandsmóts barna og unglinga fer nú fram á félagssvæði Sleipnis á Brávöllum á Selfossi. Í gær fór fram forkeppni í hinum ýmsu keppnisgreinum og áfram skal haldið í dag, klukkan 09:30 byrjar fyrsta keppnisgrein dagsins sem er gæðingaskeið. Hægt er að horfa á mótið í beinni útsendingu á EiðfaxaTV. Dagskrá og niðurstöður eru þá aðgengilegar í snjallforriti HorseDay.

Í gæðingatölti í unglingaflokki er það Hilmir Páll Hannesson á Heiðri frá Eystra-Fróðholti sem hlaut hæstu einkunn í forkeppni, 8,77. Önnur er Kristín Rut Jónsdóttir á Goða frá Garðabæ með 8,72 og í þriðja sætinu er Elísabet Benediktsdóttir á Þór frá Hekluflötum með 8,62 í einkunn. Til A-úrslita keppa einnig þeir Loftur Breki Hauksson á Garúnu frá Austurási með 8,62 og Ragnar Dagur Jóhannsson á Eiðfaxa frá Lækjarbotnum með 8,59 í einkunn.

Niðurstöður gæðingatölt unglinga