Elísabet Líf og Dyggur efst unglinga

4. ágúst 2026
Fréttir

Forkeppni í gæðingakeppni á NM lokið

Norðurlandamótið hófst nú í morgun og er í beinni útsendingu á EiðfaxaTV, í dag er keppt í forkeppni í gæðingakeppni.

Það voru unglingarnir sem byrjuðu daginn og þar var einn fulltrúi frá Íslandi á meðal þátttakenda. Það var hún Elísabet Líf Sigvaldadóttir en keppnishestur hennar er Dyggur från Stummelbol sem er 7.vetra gamall og hefur James Faulkner keppt lítillega á honum í Svíþjóð, ungur hestur með ekki ýkja mikla reynslu. Elísabet stóð sig frábærlega og leiðir nú að lokinni forkeppni með 8,48 í einkunn, einungis aukastöfum lægri einnig með 8,48 er Nike Jakobsson á Sleipni frá Ósi sem keppir fyrir hönd Svíþjóðar. Í þriðja sætinu er Rigmor Balle á Leisti frá Hólum með 8,34 frá Danmörku.

A-úrslit í unglingaflokki fara svo fram seinni parinn á fimmtudag. Hægt er að nálgast allar niðurstöður, ráslista og annað á snjallforritinu HorseDay.

Unglingaflokkur gæðinga

Forkeppni
Sæti	Knapi	Hross	Einkunn
1	Elísabet Líf Sigvaldadóttir	Dyggur från Stummelbol	8,480
2	Nike Jakobsson	Sleipnir frá Ósi	8,478
3	Rigmor Balle	Leistur frá Hólum	8,384
4	Anette Korhonen	Alísa frá Strandarhjáleigu	8,378
5	Isabella Larsson	Leó från Änghaga	8,368
6	Alice Edvinsson Kareliusson	Riddari frá Hofi	8,332
7-8	Saga Knutsen Eiriksdottir	Ýmir frá Selfossi	8,326
7-8	Hannah Eggen Bragstad	Þorsti frá Ytri-Bægisá I	8,326
9	Sille Emilie Søndergaard	Vespa fra Kringlan	8,310
10	Ellen Smet Jensen	Ferill frá Búðarhóli	8,186
11	Minna Lindberg	Garri från Mörtö	8,160
12	Nathalie Røe-Skavnes	Smári frá Steinnesi	8,086
13	Andreas Lie Sørensen	Djásn frá Arnbjörgum	7,992