Firmakeppni og folaldasýning á laugardag

Firmakeppni hestamannafélagsins Sóta verður haldið næsta laugardag 30. apríl á velli félagsins á Álftanesi.

Mótið er haldið í minningu fyrsta formanns hestamannafélagsins Sóta, Ársæls Gunnarssonar og eiginkonu hans Önnu Hafsteinsdóttur. Ársæll var formaður félagsins í 10 ár en í dag er sonur hans, Gunnar Karl, bæði formaður firmanefndar og formaður ræktunardeildar félagsins.

Dagskrá firmakeppninnar er eftirfarandi en mótið hefst kl. 12:
Pollaflokkur
Barnaflokkur
Unglingaflokkur
Ungmennaflokkur
Kvennaflokkur
Karlaflokkur

Sýna skal hægt tölt og yfirferðartölt samkvæmt stjórn þular.
Raðað verður í 5 efstu sætin í hverjum flokki og veitt verðlaun fyrir þrjú efstu eftir hvern flokk.
Skráning frá kl. 11 – 11.30 á laugardagsmorgun í félagshúsi Sóta.
Skrá skal nafn knapa og nafn og aldur hests.

Folaldasýning og kynbótamat

Eftir firmakeppnina fer fram folaldasýning.  Veitt verða verðlaun fyrir efnilegustu folöldin. Sótafélögum gefst síðan færi á að koma með og fá mat á hryssur og stóðhesta, þar sem dómari mun gefa lauslegan byggingadóm og kynbótamat.

Skrá skal folöld og hesta í kynbótamat á sama tíma og stað og skráning í firmakeppni fer fram. Skráningargjald er 1.000 kr.