Gæðingafimi á fimmtudag

 

Næst á dagskránni er Gæðingafimi og fer keppnin fram fimmtudaginn 

14.febrúar og hefst keppni kl.19.00

Við hvetjum fólk að mæta til að horfa á þessa mjög svo spennandi 

keppnisgrein.

 

Forsala aðgöngumiða er hafin í verslunum Líflands, Topreiter og hjá 

Baldvini og Þorvaldi á Selfossi.  Aðgangseyrir á mótið er 1.500 kr. 

fyrir 13 ára og eldri, en 500 kr. fyrir 12 ára og yngri.

 

Keppendur eru í óða önn að fínpússa prógrömm sín fyrir fimmtudaginn og 

má gera ráð fyrir hverri glæsisýningunni á fætur annarri á gólfi 

Ölfushallarinnar.

 

Gæðingafimin er mikil áskorun fyrir keppendur. Þar eru allir þættir 

dæmdir sérstaklega og síðan heildarútlit sýningarinnar. Það sem 

dómararnir horfa meðal annars á er hversu margar og erfiðar æfingar 

parið gerir og hvernig þær eru framkvæmdar, hvernig æfingarnar blandast 

við gangtegundir, flæði sýningarinnar, fjölhæfni og styrkleiki 

gangtegunda. Knapar þurfa að sýna að lágmarki þrjár gangtegundir og fimm 

fimiæfingar og er einungis ein skylduæfing, en hún er opinn sniðgangur á 

tölti. Lengd sýningar má vera að hámarki þrjár og hálf mínúta. Við munum 

halda áfram sama fyrirkomulagi og í fyrra að einungis 5 knapar ríða 

úrslit en ekki 10 eins og hefur verið undanfarin ár.

 

Í fyrra var það Artemisia Bertus, Hrímni, sem sigraði gæðingafimina á 

Korgi frá Ingólfshvoli og má reikna með því pari í titilvörnina í næstu 

viku.  Í öðru sæti urði Sara Ástþórsdóttir og Díva og í þriðja sæti 

Jakob Svavar Sigurðsson og Árborg frá Miðey.

 

Ráslistar Gæðingafiminnar verða birtir snemma í næstu viku,“ segir í tilkynningu frá stjorna Meistaradeildar