138 hross búin að ná einkunna lágmörkum inn á Landsmót

5. júní 2012
Fréttir

Gæðingarnir hrannast inn á Landsmót en nú þegar eru komin 138 hross inn á Landsmót, 55 stóðhestar og 83 hryssur. 5 vetra flokkurinn er lang fjölmennasti flokkurinn en 37 fimm vetra hryssur eru komnar inn og 22 stóðhestar. Nú er farið að styttast í annan endan á sýningarhaldi fyrir Landsmót, en einungis er eftir þessi vika á Hellu og Dalvík og síðan lýkur kynbótasýningunni á Miðfossum þann 14.júní.

Með hæstu aðaleinkunn stóðhesta er Hrannar frá Flugumýri en hann er með 8,85 í aðaleinkunn. Hrannar var sýndur á Selfossi og knapi var Þorvaldur Árni Þorvaldsson. Með hæstu aðaleinkunn hryssna er Ferna frá Hólum en hún hlaut 8,61 í aðaleinkunn. Ferna var sýnd á Vindheimamelum og knapi hennar var Þórarinn Eymundsson.

Efstur í flokki 7. vetra og eldri stóðhesta er Konsert frá Korpu með 8,61. Annar er Hnokki frá Þúfum með 8,59 og þriðji er hann Óskasteinn frá Íbishóli með 8,56

Efstur í flokki 6 vetra stóðhesta er Hrannar frá Flugumýri 2 með 8,85. Annar er Krókur frá Ytra-Dalsgerði með 8,52 og þriðji er hann Maríus frá Hvanneyri með 8,46

Efstur í flokki 5 vetra stóðhesta er Eldur frá Torfunesi með 8,60 í aðaleinkunn. Annar er Skýr frá Skálakoti með 8,55 og þriðji er Arion frá Eystra-Fróðholti með 8,49

Efstur í flokki 4 vetra stóðhesta er Hrafn frá Efri-Rauðlaæk með 8,28 í aðaleinkunn. Annar er Hrói frá Flekkudal með 8,17 og þriðji er Nói frá Stóra-Hofi með 8,17

Efst í flokki 7 vetra og eldri hryssna er Álfadrottning frá Austurkoti með 8,53. Önnur er Djásn frá Hnjúki með 8,50 og þriðja er Álfarún frá Halakoti með 8,37

Efst í fokki 6 vetra hryssna er Ferna frá Hólum með 8,61 í aðaleinkunn. Önnur er Spá frá Eystra-Fróðholti með 8,52 og jafnar í þriðja eru þær Gjöf frá Vindási og Þokkafull frá Hamarshjáleigu með 8,34.

Efst í flokki 5 vetra hryssna er Fura frá Hellu með 8,31 í aðaleinkunn. Önnur er Huldumær frá Herriðarhóli með 8,26 og þriðja er Blíða frá Litlu-Tungu 2 með 8,25

Efst í flokki 4 vetra hryssna er Hnit frá Koltursey með 8,24 í aðaleinkunn. Jafnar koma síðan þær Flauta frá Skúfslæk og Karmen frá Blesastöðum 1A með 8,14

Meðfylgjandi er dómur Hrannars og Fernu.

IS2006158620 Hrannar frá Flugumýri II

Örmerki: 352206000038892

Litur: 2500 Brúnn/milli- einlitt

Ræktandi: Eyrún Anna Sigurðardóttir, Páll Bjarki Pálsson

Eigandi: Eyrún Anna Sigurðardóttir, Júlía Kristín Pálsdóttir, Þórdís Inga Pálsdóttir

F.: IS1995165864 Kraftur frá Bringu

Ff.: IS1988165895 Gustur frá Hóli

Fm.: IS1987265016 Salka frá Kvíabekk

M.: IS1992258600 Hending frá Flugumýri

Mf.: IS1986157700 Kveikur frá Miðsitju

Mm.: IS1979258601 Harpa frá Flugumýri