Sérstök lágmörk fyrir klárhross til umræðu

Fagráð í hrossarækt hefur til umræðu að lækka lágmörk fyrir klárhross um tíu stig miðað við alhliðahross. Á fundi ráðsins í október var tekin fyrsta umræða um lágmarkseinkunnir kynbótahrossa fyrir Landsmót 2014. Auk þess að leggja til sérstök lágmörk fyrir klárhross er stefnt að því að hækka lágmörk á fjögurra og fimm vetra hrossum um fimm kommur frá síðasta móti.

Í máli Guðlaugs Antonssonar á aðalfundi Félags hrossabænda á föstudag kom fram að samkvæmt þessum lágmörkum hefðu 49 klárhross komist inn á Landsmót 2012 í stað 23.

Enn á eftir að taka ákvarðanir en búist er við að það verði gert á fundi Fagráðs í desember.

 Eftirfarandi einkunnarlágmörk eru lögð til grundvallar í umræðum:

Stóðhestar
                                              Alhliðahestar                        Klárhestar
7 vetra og eldri                       8,35                                    8,25
6 vetra                                    8,30                                    8,20
5 vetra                                    8,20                                    8,10
4 vetra                                    8,05                                    7,95

Hryssur
                                               Alhliðahryssur                    Klárhryssur
7 vetra og eldri                       8,25                                    8,15
6 vetra                                    8,20                                    8,10
5 vetra                                    8,10                                    8,00
4 vetra                                    7,95                                    7,85