,,Smíða það sem ég er beðinn um“

Helluístöð er lítið fyrirtæki sem sérhæfir sig í því að smíða úr ryðfríu stáli ýmsa vöru fyrir hestamenn og fleiri. Fyrirtækið tekur við sérpöntunum og framleiðir m.a. ístöð, hnakka-, hjálma-, saltsteina- og beislisstatíf.  Upplýsingar um vöru og verðskrá er að finna á facebook síðu fyrirtækisins sem má skoða hér.

Það er Steinn Másson sem er eigandi og í raun eini starfsmaðurinn hjá fyrirtækinu Blaðamaður Eiðfaxa var á ferðinni á Hellu um daginn og tók stöðuna á Steini og hans framleiðslu. „Ég byrjaði aðeins að smíða árið 2001 en það má segja að þetta hafi orðið aðalatvinna árið 2006. Ég byrjaði á því að smíða eingöngu öryggisístöð og ístöð með skammstöfunum. Það er mjög misjafnt hvað ég hef mikið að gera, stundum eru rólegir tímar en svo ríkur þetta upp inn á milli. Vinsælasta varan mín eru sérmerktu ístöðin en ég smíða líka mikið af hnakkastatífum, hlífar fyrir vatnsskálar og í raun bara það sem fólk biður mig um.

Hér má ýmsa smíði eftir Stein Másson.

 Inn á Facebook síðu fyrirtækisins má sjá margt af því sem Steinn hefur verið að smíða í gegnum tíðina og þar er að finna ýmsa lista smíð. „Stundum finnst mér að fólk mætti spá aðeins meira í því hvaðan varan kemur og skoða hvernig ástandið er á því sem það er að kaupa. Það að ístöð séu vel smíðuð er mikið öryggisatrið því ef ístað slitnar getur farið illa.“

Ístöðin sérmerktu eru sívinsæl