Jakob Svavar Sigurðsson er knapi ársins

Jakob Svavar Sigurðsson er knapi ársins 2020 en valið var kunngjört rétt í þessu í höfuðstöðvum LH í Laugardal. Jakob átti gott ár á bæði keppnisbraut og kynbótavelli og sýnir ávallt prúða og fagmannlega reiðmennsku.

Einnig voru knapar ársins í eftirtöldum greinum valdir:

• Efnilegasti knapi ársins – Glódís Rún Sigurðardóttir
• Íþróttaknapi ársins – Ragnhildur Haraldsdóttir
• Gæðingaknapi ársins – Hlynur Guðmundsson
• Kynbótaknapi ársins – Árni Björn Pálsson
• Skeiðknapi ársins – Konráð Valur Sveinsson

Keppnishestabú ársins var valið Árbæjarhjáleiga 2, Kristinn Guðnason og Marjolijn Tiepen.

Eiðfaxi óskar öllum þessum verðlaunahöfum innilega til hamingju með árangur ársins!