Suðurlandsdeildin – úrslit úr fjórgangi

16. mars 2021
Fréttir

Virkilega sterk fjórgangskeppni fór fram í Suðurlandsdeildinni í hestaíþróttum í kvöld þar sem 56 knapar tóku þátt. Í Suðurlandsdeildinni keppa áhuga- og atvinnumenn saman í forkeppni en svo eru úrslit fyrir hvorn flokk fyrir sig.

Lið Árbæjarhjáleigu II var stigahæsta lið kvöldsins. Mynd: Aðsend.

Í kvöld var það lið Árbæjarhjáleigu/Hjarðartúns sem stóð stigahæst eftir fjórganginn en Arnhildur Helgadóttir á Draumhyggju frá Eystra-Fróðholti endaði í 3. sæti í flokki atvinnumanna, Hekla Katharína Kristinsdóttir á Lilju frá Kvistum endaði í 10. – 11. sæti atvinnumanna, Rúna Björg Vilhjálmsdóttir á Aroni frá Þóreyjarnúpi endaði í 2. sæti í flokki áhugamanna og Rakel Nathalie Kristinsdóttir á Krás frá Árbæjarhjáleigu endaði í 7.-8. sæti í flokki áhugamanna. Glæsilegur árangur þar.

Úrslit í báðum flokkum voru geysi spennandi og virkilega sterkir hestar sem öttu þar kappi. Í flokki atvinnumanna var það Þór Jónsteinsson á Frá frá Sandhól úr liði Efsta-Sels sem stóð uppi sem sigurvegari og í flokki áhugamanna var það Vilborg Smáradóttir á Sigri frá Stóra-Vatnsskarði úr liði Smiðjan Brugghús. Virkilega sterk úrslit.

Niðurstöður úrslita má sjá hér að neðan.

Efstu knapar og hestar í flokki atvinnumanna. Mynd: Aðsend

A úrslit atvinnumanna í fjórgang 2021
Sæti	Knapi	Hross	Einkunn
1	Þór Jónsteinsson	Frár frá Sandhól	7,30
2	Elin Holst	Gígur frá Ketilsstöðum	7,17
3	Arnhildur Helgadóttir	Draumhyggja frá Eystra-Fróðholti	7,10
4	Hanna Rún Ingibergsdóttir	Harpa frá Engjavatni	6,97
5	Elín Magnea Björnsdóttir	Melódía frá Hjarðarholti	6,93
6	Hjörtur Magnússon	Viðar frá Skeiðvöllum	6,83
7	Brynja Kristinsdóttir	Sóley frá Blönduholti	6,73

Efstu knapar og hestar í flokki áhugamanna. Mynd: Aðsend

A úrslit áhugamanna í fjórgang 2021
Sæti	Knapi	Hross	Einkunn
1	Vilborg Smáradóttir	Sigur frá Stóra-Vatnsskarði	6,77
2	Rúna Björg Vilhjálmsdóttir	Aron frá Þóreyjarnúpi	6,77
3	Árni Sigfús Birgisson	Baldursbrá frá Ketilsstöðum	6,67
4	Elín Árnadóttir	Blær frá Prestsbakka	6,57
5	Bertha María Waagfjörð	Amor frá Reykjavík	6,47
6	Aasa Elisabeth Emelie Ljungberg	Fengsæll frá Jórvík	6,43

Eftir fyrstu tvær greinar Suðurlandsdeildarinnar er það lið Byko sem leiðir með 186 stig, í öðru sæti er Smiðjan Brugghús með 156 stig og þriðja sæti lið Húsasmiðjunnar með 153 stig.

Sæti	Lið	Samtals
1.	Byko	186
2.	Smiðjan Brugghús	156
3.	Húsasmiðjan	153
4.	Kvistir	149
5.	Árbæjarhjáleiga/Hjarðartún	147
6.	Krappi	139,5
7.	Efsta-Sel	116
8.	Fet/Þverholt	112,5
9.	Vöðlar/Snilldarverk/Sumarliðabær	111,5
10.	Toltrider	104,5
11.	Heklu hnakkar	96,5
12.	Hemla/Hrímnir/Strandarhöfuð	89,5
13.	Kjarr	39
14.	Káragerði/Lokarækt	24

Það eru þó fjölmörg stig eftir í pottinum enda þrjár greinar eftir, framundan eru því hörku spennandi deild og mjótt á munum.

Næsta grein er fimmgangur og fer hún fram í Rangárhöllinni á Hellu þann 30. mars! Sjáumst þar í gegnum AlendisTV!

Mynd 1 – lið Árbæjarhjáleigu/Hjarðartúns f.v. Arnhildur Helgadóttir, Hekla Katharína Kristinsdóttir, Rakel Nathalie Kristinsdóttir, Rúna Björg Vilhjálmsdóttir, Anna Margrét Geirsdóttir og Hans Þór Hilmarsson.