Hefur fengið sig fullsadda af ágangi hestamanna

Töluverð umræða hefur skapast á milli mismunandi útivistarhópa undanfarnar vikur og þá sérstakalega eftir fréttaflutning af hestaslysi sem átti sér stað nú fyrir stuttu.

Á vef Morgunblaðsins er nú frétt þar sem María Ögn Guðmundsdóttir, hjólreiðarkona sem samkvæmt Mbl hefur komið að skipulagsvinnu við lagningu hjólastíga, fer mikinn og hefur fengið sig fullsadda af ágangi hestafólks.

„Það er nefni­lega enda­laust verið að kvarta und­an því að aðrir veg­far­end­ur geta gert hest­un­um bilt við og þannig ógnað bæði hesti og knapa, sem er ósköp skilj­an­legt, en hvers vegna fara þá hesta­menn á hest­um sín­um um stíga þar sem þeir vita fyr­ir víst að lík­ur eru á að þeir mæti hjólandi, hlaup­andi og gang­andi veg­far­end­um,“ seg­ir María Ögn í sam­tali við mbl.is.

Guðni Halldórsson, formaður LH, sagði í samtali við Eiðfaxa um daginn. „Það er eilíf barátta forystumanna í hestamennskunni að aðgreina stíga og fjármagna reiðvegi. Við höfum verið í sambandi við og stefnum á frekari fundi með samgönguráðherra, þar sem markmiðið er að sækjast eftir auknu fjármagni til reiðvegagerðar.“ En viðtalið í heild sinni má lesa með því að smella hér.

Ljóst er að vitundarvakning verður að verða á milli mismunandi útivistarhópa svo allir geti notið sinna áhugamála í sátt og samlyndi við aðra.