Tvöfaldur norskur sigur í fjórgangi-

Hann rigndi hressilega á keppendur í A-úrslitum fjórgangs. Úrslitin í ár voru afskaplega hörð í ár, en það voru Norðmenn sem hlutu efstu tvö sætin í dag.

Norsku áhorfendur sungu og klöppuðu áður en úrslit voru lesinn upp enda var nokkuð ljóst að þær norsku Anne Stine Haugen á Muna frá Kvistum og Tina Kalmo Pedersen og Kolgrimur fran Slatterne væru í verðlaunasætum. Anne Stine Haugen og Muni fóru mikinn á vellinum í öllum gangtegundum og hlutu hæstu einkunn fyrir yfirferðartölt. Tina og Kolgrimur voru einnig afar glæsileg, og hlutu m.a. hæstu einkunn í brokki, lauk keppni með 8,20 í lokaeinkunn og fékk silfur. Annes Stine og Muni fengu hins vegar 8,27 í lokaeinkunn og eru heimsmeistarar í fjórgangi í ár.

Þriðja var svo Isabelle Felsum og Viktor fra Diisa frá Danmörku með 8,07 í lokaeinkunn.

Hjónin Hinrik Bragason og Hulda Gústafsdóttir stóðu sig sem miklum sóma, sýndu af sér örugga og fágaða reiðmennsku eins og þau eru bæði þekkt fyrir. Luku þau keppni í fimmta og sjötta sæti.