Loki á þau afkvæmi sem hæsta einkunn hlutu fyrir tölt

3. desember 2021
Fréttir

Af þeim stóðhestum sem eiga 10 eða fleiri dæmd afkvæmi á árinu

Þegar öllum kynbótasýningum er lokið er hægt, með hjálp Worldfengs, að setjast niður og reikna út hin ýmsu meðaltöl hrossaræktendum til gagns og fróðleiks.

Eiðfaxi birti í fyrra lista yfir stóðhesta, með ákveðinn fjölda afkvæma, og hverjir af þeim væru að skila hæstu einkunnum fyrir ákveðna eiginleika í sköpulagi og hæfileikadómi. Eiðfaxi ætlar að gera það sama í ár og byrja á því að skoða meðaltal einkunna afkvæma sem komu til fullnaðardóms á árinu fyrir tölt og hægt tölt.

Alls eru 29 stóðhestar sem eiga 10 eða fleiri dæmd afkvæmi á árinu.

Loki frá Selfossi er sá stóðhestur sem skilaði þeim afkvæmum sem hæsta einkunn hlutu fyrir bæði tölt og hægt tölt. Meðaleinkunn þeirra fyrir tölt er 8,56 og meðaltals einkunn fyrir hægt tölt er 8,33. Hann á alls 18 afkvæmi með fullnaðardóm á árinu og meðalaldur þeirra er 6,8 ár.

Næstir í röðinni eru Skýr frá Skálakoti og Hringur frá Gunnarsstöðum en afkvæmi þeirra eru með meðaleinkunnina 8,46 fyrir tölt. Meðalaldur afkvæma Skýrs er 5,3 en sýnd voru 37 afkvæmi undan honum í ár og meðalaldur afkvæma Hrings er 4,8 ár en sýnd voru undan honum 12 afkvæmi í ár.

Hér er listi yfir alla þá stóðhesta sem eiga 10 eða fleiri fullnaðardæmd afkvæmi á árinu raðað eftir meðaleinkunn fyrir tölt.

Nafn	Fjöldi afkvæma	Meðalaldur	Tölt	Hægt tölt
Loki frá Selfossi	18	6,8	8,56	8,33
Skýr frá Skálakoti	37	5,3	8,46	8,09
Hringur frá Gunnarsstöðum	12	4,8	8,46	8,08
Sjóður frá Kirkjubæ	20	6,3	8,45	8,08
Óskasteinn frá Íbishóli	16	6,6	8,41	8,31
Hrannar frá Flugumýri II	30	5,6	8,38	8,10
Arion frá Eystra-Fróðholti	29	5,8	8,36	8,21
Álfarinn frá Syðri-Gegnishólum	10	5,6	8,35	8,15
Krákur frá Blesastöðum 1A	10	8,4	8,35	8,15
Jarl frá Árbæjarhjáleigu	13	6,5	8,31	8,23
Konsert frá Hofi	51	5,1	8,30	7,99
Spuni frá Vesturkoti	37	6,8	8,28	7,99
Trymbill frá Stóra-Ási	16	5,9	8,28	8,13
Herkúles frá Ragnheiðarstöðum	14	5,9	8,25	7,93
Hreyfill frá Vorsabæ	11	5,5	8,23	7,82
Hróður frá Refsstöðum	10	6,2	8,20	8,20
Hnokki frá Fellskoti	23	5,5	8,20	7,96
Viti frá Kagaðarhóli	13	5,7	8,19	8,00
Stáli frá Kjarri	35	6,7	8,19	7,86
Ómur frá Kvistum	33	6,4	8,18	7,95
Kiljan frá Steinnesi	14	6,8	8,18	7,93
Draupnir frá Stuðlum	11	4,3	8,14	8,00
Eldur frá Torfunesi	11	6,3	8,14	7,82
Ölnir frá Akranesi	34	5,4	8,13	7,85
Álfasteinn frá Selfossi	15	7,1	8,10	7,93
Skaginn frá Skipaskaga	10	4,9	8,10	7,75
Álfur frá Selfossi	27	7,2	8,04	7,81
Arður frá Brautarholti	10	6,6	8,00	7,70
Herjólfur frá Ragnheiðarstöðum	11	5,3	7,91	7,86