Fjölmargir stóðhestar að skila myndarlegum afkvæmum

Þegar öllum kynbótasýningum er lokið er hægt, með hjálp Worldfengs, að setjast niður og reikna út hin ýmsu meðaltöl hrossaræktendum til gagns og fróðleiks. Eiðfaxi hefur verið að fjalla um þá stóðhesta sem eiga 10 afkvæmi eða fleiri sýnd í fullnaðardómi á árinu og meðaltöl eiginleika afkvæma þeirra í sköpulagi og hæfileikum.

Nú er röðin komin að þeim stóðhestum sem eiga 4-9 afkvæmi sýnd á árinu og byrjum við á að rýna í meðaltöl afkvæma þeirra í þeim eiginleikum sem dæmdir eru í sköpulagi.

Alls eru 62 stóðhestar sem eiga 4-9 dæmd afkvæmi á árinu.

Þegar rýnt er í meðaltalseinkunnir afkvæma þessarra stóðhesta má sjá að Hraunar frá Hrosshaga á yngstu afkvæmin sem komu til dóms á árinu en meðalaldur þeirra var 4,0 ár. Fimm afkvæmi voru sýnd undan Hraunari í ár.

Undan Straum frá Feti komu 7 afkvæmi til dóms í ár og er meðaltal sköpulags einkunnar þeirra hæst í þessu úrtaki, eða 8,30. Straumur á sjö dæmd afkvæmi á árinu og meðalaldur þeirra er 6,3 ár.

Lexus frá Vatnsleysu á þau afkvæmi sem hlutu hæsta einkunn að meðaltali fyrir höfuð eða 8,30 í meðaleinkunn. Hann á 4 sýnd afkvæmi á árinu og meðaldur þeirra er 6,0 ár.

Afkvæmi Múla frá Bergi eru með hæstu einkunn fyrir háls, herða og bóga eða 8,70 er meðaltal þeirra fyrir þann eiginleika. Múli á 5 fullnaðardæmd afkvæmi á árinu og meðalaldur þeirra er 5,0 ár.

Sólon frá Skáney, samkvæmt þessum lista, er að skila afkvæmum með besta bakið og lendina en afkvæmi hans eru með meðaleinkunnina 8,56 fyrir þann eiginleika. Hann á 8 sýnd afkvæmi á árinu og meðalaldur þeirra er 6,3 ár.

Þegar skoðað er meðaltal einkunna fyrir samræmi eru afkvæmi Kolskeggs frá Kjarnholtum efst á lista með meðaleinkunnina 8,67. Sýnd voru 9 afkvæmi undan Kolskegg á árinu en meðalaldur þeirra er 6,1 ár.

Af þeim stóðhestum sem eiga 4-9 afkvæmi fullnaðardæmd á árinu að þá eru afkvæmi Mídas frá Kaldbak með hæstu meðaltalseinkunina fyrir fótagerð en hún er 8,63 og á hann 4 fullnaðardæmd afkvæmi á árinu en meðalaldur þeirra er 7,8 ár.

Afkvæmi Ramma frá Búlandi voru hæst fyrir réttleika en meðaltalseinkunn þeirra er 8,30 en Rammi á fjögur sýnd afkvæmi á árinu og meðalaldur þeirra er 9,0 ár.

Kjerúlf frá Kollaleiru á þau afkvæmi sem hæstu einkunn hlutu að meðaltali fyrir hófa eða 8,64. Sýnd voru 7 afkvæmi undan honum á árinu og er meðaldur þeirra 6,7 ár.

Afkvæmi Þórálfs frá Prestsbæ eru með hæstu einkunn fyrir prúðleika eða 8,58 í meðaleinkunn. Þórálfur á 4 fullnaðardæm afkvæmi á árinu og er meðalaldur þeirra 6,0 ár.

Hér fyrir neðan má sjá meðaltals einkunnir afkvæma allra þeirra stóðhesta sem eiga 4-9 fullnaðardæmd afkvæmi á árinu í öllum eiginleikum dæmdum í sköpulagi.

Ef þú ert að skoða töfluna í síma er hægt að færa sig fram og til baka á töflunni til þess að sjá alla eiginleika.