Skráning á opna Barkamótið

Skráning á opna Barkamótið fer fram í kvöld, þriðjudaginn 16. mars, kl. 20:00 – 21:00 í Reiðhöllinni í Víðidal. Einnig er hægt að skrá í síma 567-0100, 898-2018, 893-3559, 691-1115 gegn því að gefa upp kortanúmer fyrir skráningargjöldunum. Mótið fer fram í Reiðhöllinni, nk. laugardag, 20. mars.

 

Við skráningu þarf að:

1. gefa upp nafn og kennitölu knapa;
2. gefa upp nafn og IS númer hests;
3. gefa upp keppnisflokk;
4. greiða 2.500 kr. skráningargjald;
5. skrá upp á hvora hönd riðið er.

Keppt er í tölti í þremur flokkum:

1. flokkur 17 ára og yngri;
2. áhugamannaflokkur;
3. opinn flokkur.

Fjölmennum á spennandi Barkamót – þátttaka er öllum opin. Leyfilegt er að skrá fleiri en einn hest til keppni, en komi knapi fleiri en einum hesti í úrslit skal hann velja einn til úrslitakeppni. Hafi parið náð meistaraflokkseinkunn (6.5) í tölti á síðasta ári ber knapa að skrá sig í opinn flokk.

Til mikils er að vinna

Peningaverðlaun eru veitt fyrir þrjú efstu sætin í opnum- og áhugamannaflokki. Í opna flokknum eru 50 þúsund krónur fyrir fyrsta sætið, 20 þúsund fyrir annað og 10 þúsund fyrir þriðja. Í áhugamannaflokki eru 20 þúsund fyrir fyrsta sætið, 10 þúsund fyrir annað og 5 þúsund fyrir þriðja. Gjafabréf verða fyrir sömu sæti í flokknum 17 ára og yngri. Að auki fá allir verðlaunahafar Marstall fóðurbæti að gjöf.

Barki ehf. gefur öll verðlaun á mótinu.

Með hestakveðju,
íþrótta- og mótanefnd Fáks.