Toni kveður Fet

Vilmundur frá Feti er Sleipnisbikarhafi árið 2014. Fjöldi afkvæma hans komu fram rétt í þessu. Vilmundur var hins vegar fjarri góðu gamni, að sinna hryssum.

Það var við hæfi að fráfarandi bústjóri hrossaræktarbúsins Fets, Anton Páll Níelsson, færi fyrir afkvæmahópnum. Eftir Landsmót mun Ólafur Andri Guðmundsson taka við bústjórastarfinu en Anton Páll og fjölskylda eru að flytja norður í Svarfaðadal.