Karlatölt Spretts

Karlatölt Spretts verður haldið föstudaginn 22. apríl í Samskipahöllinni í Spretti.

Að þessu sinni verður boðið upp á kepni í fjórum flokkum:

T3 Opinn flokkur – Fyrir reynslumikla knapa
T3 Opinn flokkur, 1. flokkur – Ætlaður þeim sem eru töluvert vanir í keppni
T7 Opinn flokkur, 2. flokkur – Ætlaður þeim sem eru litla reynslu í keppni
T7 Opinn flokkur, 3. flokkur, byrjendaflokkur – ætlaður þeim sem eru að stíga sín fyrstu skref á keppnisvellinum eða hafa mjög litla reynslu.

ATH:

• Hafi keppandi sigraði í einhverjum styrkleikaflokki karlatöltsins áður skal viðkomandi færast upp um flokk.
• Hafi keppandi komist þrisvar í A úrslit í einhverjum styrkleikaflokki karlatöltsins áður skal viðkomandi færast upp um flokk.
• Keppendur eru hvattir til að sýna metnað við val á keppnisflokki. Ef ekki nást 5 eða fleiri skráningar í hvern flokk þá færast þeir upp um flokk.

Í keppni í T7 eru þrír keppendur saman í holli, sýnt er hægt tölt, snúið við og svo sýnt tölt á frjálsri ferð (fegurðartölt). í keppni í T3 eru 2-3 keppendur saman í holli, sýnt hægt tölt, snúið við, tölt með hraðabreytingum og svo greitt tölt.

Aðeins er hægt að skrá í gegnum skráningakerfið www.sportfengur.com. Skráning hefst sunnudaginn 17. apríl og lýkur miðvikudaginn 20. apríl. Skráning pr. hest er 5.000 kr. og er leyfilegt að skrá fleiri en einn hest.

Veglegir vinnningar verða í boði í öllum flokkum og verða þeir kynntir betur þegar nær dregur. Karlatöltsnefnd Spretts hvetur alla karla til að taka þátt.

Opnir æfingatímar fyrir Karlatölt Spretts verða á sunndag 17.apríl kl. 14:00-17:00 og mánudaginn 18. apríl kl. 21:00-23:00