Spennandi folaldasýning í Söðulsholti

„Þá er hinni árlegu folaldsýningu í Söðulsholti lokið. 39 folöld voru skráð til leiks. Mörg ansi vel ættuð undan hátt dæmdum merum og stóðhestum og mátti t.d. sjá folöld undan Spuna frá Vesturkoti, Möller frá Blesastöðum, Hrímni frá Ósi, Arð frá Brautarholti, Sædyn frá Múla. Að vísu er það nú oft folöldin undan ósýndum merum og einhverjum spennandi ungfola sem lenda á verðlaunapalli en það er náttúrlega það skemmtilega við þetta allt saman. Folöldin voru dæmd bæði fyrir byggingu og hæfileika og voru metnir 3 þættir í hvoru, en það voru frampartur, bolur og fóthæð í byggingu, og fas, hreyfinar og ganglag í hæfileikum. Dómari sýningarinnar var Valberg Sigfússon, ritari Arnar Ásbjörnsson og þulur var Lárus Hannesson.