Devold Tölt í Samskipadeildinni í kvöld

Í kvöld klukkan 18:30 hefst keppni í tölti í Samskipadeildinni, Áhugamannadeild Spretts. Er þetta síðasta greinin sem fram fer innanhús í mótaröðinni, viðburðurinn verður því allur hinn glæsilegasti. Veisluþjónustan Flóra sér um að allir geti gætt sér á dýrindis veisluhlaðborði fyrir sanngjarnt verð en Samskipahöllinn opnar klukkan 17:00.

Á síðast ári var það Þórunn Kristjánsdóttir sem efst stóð í þessari grein í Samskipadeildinni á Flugu frá Garðabæ með 7,11 í einkunn. Þórunn er ekki á meðal keppenda í kvöld en Erla Guðný Gylfadóttir keppir á Flugu. Erla varð í 3-4 sæti í fyrra á Straumi frá Hofsstöðum en ætlar sér eflaust að gera það sama og Þórunni tókst fyrir ári síðan. Annar í fyrra var Gunnar Mar Þórðarson á Júpíter frá Votumýri og hann er skráður til leiks í ár, líkt og sú sem varð þriðja til fjórða sætinu í fyrra ásamt Erlu Guðnýju, Hrönn Ásmundadóttir á Rafni frá Melabergi.

Við hvetjum alla hestaáhugamenn til að gera sér ferð í Samskipahöllina í kvöld en fyir þá sem ekki það geta er sýnt beint frá kvöldinu á EiðfaxaTV.

Ráslisti kvöldsins