Dönsku ræktunarverðlaunin
Aðalfundur danska Íslandshestasambandsins fór fram um helgina. Kynbótanefnd sambandsins veitti verðlaun fyrir kynbótaknapa ársins, stóðhest ársins, hryssu ársins, ræktunarbú ársins og efsta hross í hverjum flokki, fætt í Danmörku.
Ræktunarbú ársins
Ræktunarbú ársins er Stutteri Guldbæk en fjögur hross voru sýnd í fullnaðardómi á árinu. Meðaltal hrossanna var 8,09.
Önnur bú sem voru tilnefnd var Stutteri Teland og Skovhuset Iceland Horses.
Kynbótaknapi ársins:
Knapi ársins er Søren Madsen en hann sýndi 28 hross í Danmörku, 25 í fullnaðardóm. Meðaleinkunn fimm efstu hrossanna sem hann sýndi var 8,23 en þessi hross eru; Stormur from Lysholm 8.36, Góa from Skovhuset 8.33, Vísa from Efri-Brú 8,31, Hrannar from Skovhuset 8.07 og Kóngur from Teland 8.07.
Aðrir tilnefndir voru þeir Agnar Snorri Stefánsson og Sigurður Óli Kristinsson
Kynbótaknapi ársins í yngri flokkum
Knapi ársins í yngri flokkum er Henriette Hindbo en hún er 23 ára. Hún sýndi tvö hross á árinu; Dalvar Drottnari fra Toftedal sem hlaut 7,42 í aðaleinkunn og Jónínu fra Hindbo sem hlaut 7,76 í aðaleinkunn. Hún rekur sína eigin tamningastöð, kennir og er með litla ræktun.
Aðrar tilnefndar voru: Anne Kathrine Carlsen, Caroline Djernis og Jessica Hou Geertsen
Stóðhestur ársins:
DK2009100044 Helgnyr from Pegasus
Helgnýr á fimm afkvæmi með fullnaðardóm og öll hafa þau hlotið fyrstu verðlaun, meðaltal aðaleinkunnar þeirra er 8,12. Töltið er besti eiginleiki afkvæma hans en öll hafa þau hlotið 8,5 – 9,0 fyrir eiginleikann.
Helgnýr sjálfur tók þátt í gæðingakeppninni á Norðurlandamótinu fyrir hönd danska landsliðsins. Hann er undan Garra frá Reykjavík (8,77) og Grein frá Sauðárkróki (8,23). Ræktandi Helgnýs er Guðbjörn Þrastarson og eigandi er Helgnýr I/S.
Hryssa ársins
DK2016200137 Goá from Skovhuset
Góa er 6 vetra gömul með góðan dóm en fyrir sköpulag hefur hún hlotið 7,99 og fyrir hæfileika 8,52. Góa er í eigu og ræktuð af Vivi og Svend-Jørn Guul.
Góa var flutt inn til Danmörku sem fyl í maganum á móðir sinni og átti frekar erfitt uppdráttar en móðir hennar slasaðist í flutningunum frá Íslandi og þurfti að framkvæma aðgerð á henni með Góu í maganum. Sem betur fer lifðu þær mæðgur það af og er Góa nú komin í ræktun og á von á sínu fyrsta folaldi í maí á næsta ári.
Hæsti fjögurra vetra danskfæddi stóðhesturinn
DK2018100150 Kóngur from Teland
Sköpulag: 8.49 Hæfileikar: 7.87 Aðaleinkunn: 8.07
F: Kleó frá Hofi
M: Samba fra Teland
Ræktandi: Steffi and Rune Svendsen
Eigandi: Steffi and Rune Svendsen
Engin fjögurra vetra meri var sýnd
Hæsti fimm vetra danskfæddi stóðhesturinn
DK2017100190 Storm wall from Lysholm
Sköpulag: 8.14 Hæfileikar: 8.48 Aðaleinkunn: 8.36
F: Skinfaxi from Lysholm
M: Tindra from Tyrevoldsdal
Ræktandi: Lis Lysholm Falck / Karina Sloth
Eigandi: Lis Lysholm Falck
Hæsta fimm vetra danskfædda hryssan
DK2017200277 Dagný from Ulbæk
Sköpulag: 7.91 Hæfileikar: 8.34 Aðaleinkunn: 8.19
F: Gjafar frá Hvoli
M: Díva fra Ulbæk
Ræktandi: Stald Ulbæk v. Sus Ulbæk
Eigandi: Stald Ulbæk v. Sus Ulbæk
Hæsti sex vetra danskfæddi stóðhesturinn: (tveir jafnir)
DK2016100459 Húni from Stutteri Sonne
Sköpulag: 8.24 Hæfileikar: 8.30 Aðaleinkunn: 8.28
F: Spuni frá Vesturkoti
M: Glæða frá Vesturkoti
Ræktandi: Marianne Sonne
Eigandi: Marianne Sonne, Jens Peter Sonne and Nanne Lykke Graff
DK2016100029 Ágúst from Eyfjörd
Sköpulag: 8.45 Hæfileikar: 8.18 Aðaleinkunn: 8.28
F: Ágústínus frá Melaleiti
M: Drottning frá Eystra-Fróðholti
Ræktandi: Søren Erik Pedersen
Eigandi: Sven Olaf Berk
Hæsta sex vetra danskfædda hryssan
DK2016200137 Góa from Skovhuset
Sköpulag: 7.99 Hæfileikar: 8.52 Aðaleinkunn: 8.33
F: Arion frá Eystra-Fróðholti
M: Særún frá Sauðárkróki
Ræktandi: Skovhuset Icelandsheste v. Vivi Guul and Sven-Jørn Guul
Eigandi: Skovhuset Icelandsheste v. Vivi Guul and Sven-Jørn Guul
Hæsti 7 vetra og eldri danskfæddi stóðhesturinn.
DK2015100058 Demantur from Stutteri Friis
Sköpulag: 7.87 Hæfileikar: 7.72 Aðaleinkunn: 7.78
F: Bláskjár frá Kjarri
M: Dimm frá Kjarna
Ræktandi: Henriette Hedegaard and Anders Ove Jørgensen
Eigandi: Henriette Hedegaard and Anders Ove Jørgensen
Hæsta 7 vetra og eldri danskfæddi hryssan.
DK2015200392 Sólheima-Gríma from Hørslev
Sköpulag: 8.40 Hæfileikar: 7.89 Aðaleinkunn: 8.07
F: Grímur frá Efsta-Seli
M: Sól från Sundsberg
Ræktandi: Betina Pedersen
Eigandi: Gitte Fast Lambertsen
Myndir og upplýsingar: Islandshest.dk