Dregið í rásröð í Meistaradeild Líflands

Það stefnir í æsispennandi lokakvöld í Meistaradeild Líflands í hestaíþróttum á morgun þegar keppt verður í tölti og flugskeið.

Eftir harða keppni vetrarins er ljóst að baráttan um liðatitilinn stendur á milli tveggja liða sem hafa skipst á að sýna yfirburði á tímabilinu. Örfá stig skilja að efstu knapa svo það stefnir í hádramatískt lokakvöld.

Keppni hefst kl. 19:00 á morgun, föstudag. Keppnin fer fram í HorseDay höllinni á Ingólfshvoli. Fyrir þá sem ekki eiga heimangengt geta horft á keppnina í beinni útsendingu á Eiðfaxa TV en það er um að gera að tryggja sér áskrift sem fyrst.

Hér fyrir neðan getur fylgst með þegar dregið verður í rásröð fyrir lokakvöldið og þá sjáum við hvaða hesta knapar deildarinnar mæta með á morgun. Hægt verður að horfa í opinni dagskrá á vef Eiðfaxa og á EiðfaxaTV.