Drífandi og Bella hæst dæmd á Romme

Kynbótasýningu í Romme í Svíþjóð lauk nú í morgun með yfirlitssýningu. 47 hross voru sýnd í fullnaðardómi og 7 til viðbótar eingöngu í sköpulagi. Dómarar á sýningunni voru þau Sveinn Ragnarsson, Elsa Mandal Hreggviðsdóttir og Silke Feuchthofen.

EiðfaxiTV var á staðnum og tók allar sýningar upp en vænta má allra myndbanda frá henni á streymisveituna innan skamms.

Drífandi og Bella hæst dæmd

Það hross sem hæsta aðaleinkunn hlaut á sýningunni var alhliðahesturinn Drífandi frá Sauðárkróki. Hann er sex vetra gamall leirljós tvístjörnóttur að lita undan Draupni frá Stuðlum og Sædögg frá Sauðárkróki. Ræktendur eru Sauðárkrókshestar og Silke Bartel. Eigandi hennar er Carolina Jurstedt en það var Máni Hilmarsson sem sýndi Drífanda. Hlaut hann fyrir sköpulag 8,45 með jafnar og góðar einkunnir í þar sem hæst bar 9,0 fyrir hófa og prúðleika. Í hæfileikadómi hlaut hann 8,37 þar sem hæst bar 9,0 fyrir brokk. Aðaleinkunn hans er 8,40

Hæst dæmda hryssan á sýningunni er sex vetra gömul klárhryssa er heitir Bella från Segersgården. Hún er móbrún að lita undan Fim frá Selfossi og Björk frá Enni. Ræktendur eru Erlingur Erlingsson og Antonia Hardwick en eigendur eru Beatrixe Evertsson og Victoria Gulbrandsen Evertsson, sýnandi var Erlingur Erlingsson. Hlaut hún 8,22 fyrir sköpulag með m.a. 9,0 fyrir háls, herðar og bóga. Fyrir hæfileika hlaut hún 8,27 og þar af 9,5 fyrir fegurð í reið og 9,0 fyrir tölt, brokk, samstarfsvilja og hægt tölt. Aðaleinkunn hennar er 8,25.

Hross dæmd á Romme raðað eftir aðaleinkunn