„Ég biðst afsökunar“

Blaðamaður Eiðfaxa hafði samband við Steve O’Grady dýralækninn og járningamanninn sem flutti inn notaðan búnað þegar hann kom til landsins að meðhöndla Blysfara frá Fremra-Hálsi. Eins og fram hefur komið hér á vefnum þá hefur Matvælastofnun brugðist við og sent frá sér fyrirmæli hvernig umgangast skuli hross og hrossaflutning til og frá þeim stað sem meint smit gæti komið upp.

Í svari frá dýralækninum segir:

Í fyrsta lagi langar mig að biðjast afsökunar og benda á að ákveðins misskilnings hafa gætt í umræðunni um þetta mál.

„Ég ferðast um allan heim í þeim tilgangi að meðhöndla hesta. Ég notaði sérhæfð verkfæri sem ekki eru í boði á Íslandi. En þar sem ég er dýralæknir auk þess járningarmeistari  er ég er mjög meðvitaður um útbreiðslu sjúkdóma“

Mig langar að koma með nokkra punkta :

• Áður en ég fór í þessa ferð var mér ókunnugt um hvaða reglur eða takmarkanir væru í gildi varðandi flutning á járningarverkfærum til Íslands.
• Tækin sem ég kom með eru aðeins notuð á ferðalögum mínum og eru þrifin / sótthreinsuð ( chlorohexidine ) eftir hverja ferð .
• Svunta er úr svokölluðu ID efni og er með leður hnéhlífum.
• Hóftangir og raspar sem ég notaði voru glænýir.
• Öll fylli-, og viðgerðarefni voru ný og óopnuð.
• Ferðasettið mitt var geymt í frysti í 14 klukkustundir til að drepa bakteríur.

Að lokum ef litið er í fræðin í dýralæknavísindum þá er ljóst að fótur hestsins hefur mestu mótstöðu/hlífð af öllum líkamshlutum hans gegn sýkingum.

„Svo að það komi skýrt fram þá virði ég lög / reglugerðir hvers lands og hefði fylgt þeim í einu og öllu hefði ég verið upplýstur um þær áður en ég lagði í þessa ferð.“ segir Steve og vill að lokum hrósa fyrir það fallega land og frábæra hest sem þjóðin býr að á  Íslandi.