Eigendur útigangshrossa á flóðasvæðum hafi varann á
Almannavarnanefnd Árnessýslu kom saman til fundar í gær vegna mögulegrar hláku á föstudaginn en flestar ár á Suðuarlandi eru ísi lagðar.
Eru eigendur útigangshrossa á þekktum flóðasvæðum beðnir að huga að því hvort efni séu til að koma þeim á hærra land fari svo að ár ryðji sig.
Enn er nokkur óvissa um framgang veðurspárinnar en aðgerðastjórn verður kölluð saman til upplýsingafundar síðdegis á á fimmtudag þar sem nýjustu veðurspár verða yfirfarnar.