Hádegisfyrirlestur – Þróun kappreiða
Frá ráslínu í kappreiðum á níunda áratugum. Ýmsir þekktir hestamenn á myndinni þar á meðal Sigurbjörn Bárðarson. Ljósmynd: Sigurður Sigmundsson
Hestamenn eru fróðleiksþyrstir og nú hefur útbreiðslu og nýliðunarnefnd LH ákveðið að svala þeim þorsta með hádegisfyrirlestrum á Teams, frábært framtak hjá þeim. Á vefsíðu LH kemur eftirfarandi fram.
Útbreiðslu og nýliðunarnefnd stendur fyrir hádegisfyrirlestrum sem munu fara fram á Teams um ýmislegt áhugavert og fræðandi í tenglsum við hestamennsku. Fyrirlestrarnir eru stuttir eða um 30 -45 mínútur. Gefinn er kostur á spurningum á þeim loknum. Aðgangur er ókeypis.
Fyrsti fyrirlesturinn fer fram mándaginn 6. maí kl 12:00 mun fjalla um þróun kappreiða hér á landi, Sigurbjörn Bárðarson mun flytja erindið enda fáir sem hafa jafn mikla reynslu og þekkingu á greininni eins og hann.
Tengill á fyrirlesturinn verður birtur á facebook síðu LH www.lhhestar.is/lhhestar að morgni mánudags.
Aðrir væntanlegir fyrirlestrar eru:
Hestaljósmyndun með Gígju Einars
Undirbúningur hestaferða með Hermanni Árnasyni
Trec þjálfun og keppni með Önnu Sonju Ágústsdóttur
Hestanudd með Merle Storm
Lisa efst í fimmgangi á Lipperthof 
Niðurstöður frá lokamóti KS deildarinnar 