Ennþá eru graddarnir fleiri en hryssurnar
Þrumufleygur frá Álfhólum er einn þeirra fjölmörgu stóðhesta sem sýndir hafa verið á árinu. Knapi John Sigurjónsson.
Fyrir yfirlit á þremur síðustu kynbótasýningunum eru 227 komin með lágmarkseinkunn inn á LM2001. Ennþá eru stóðhestar einum fleiri en hryssurnar, eða 114. Hryssurnar eru 113. Allnokkur hross munu bætast við eftir yfirlitssýningar í dag og á morgun.
Fjöldi fullnaðardóma er svipaður og áður á Landsmótsári samkvæmt lauslegri athugun Hestablaðsins, eða 1458. Langflestir dómar eru framdir á Suðurlandi, eða 1103. Á Gaddstaðaflötum 406, á Sörlastöðum 308. Í Víðidal 60. Selfoss 29.
Í öðrum landshlutum er skiptingin svona: Á Mið-Fossum á Vesturlandi 224. Á Vindheimamelum í Skagafirði 182. Á Hvammstanga 65. Á Akureyri 93. Á Dalvík 35. Á Sauðárkróki 27. Stekkhólmi á Héraði 28. Engin kynbótasýning var haldin á svæðinu austan Hellu austur um og norður að Eyjafirði, nema sýningin á Stekkhólma.
Til minningar um Rúnar Geir Ólafsson 
Vigdís Matthíasdóttir ráðin yfirþjálfari Hæfileikamótunar LH