Fleiri frábærir stóðhestar í stóðhestaveltu landsliðsins

Kjerúlf frá Kollaleiru 8,44. Kjerúlf hlaut fyrstu verðlaun fyrir afkvæmi á landsmóti 2016. Hann hefur hlotið í kynbótadómi m.a. 9,5 fyrir brokk og 9,0 fyrir tölt, vilja og geðslag, fegurð í reið og hægt tölt. Myndband af Kjerúlf af WorldFeng.

Glúmur frá Dallandi 8,81. Glúmur var efstur í flokki 7 vetra stóðhesta á landsmóti 2018. Hann hefur hlotið í kynbótadómi m.a. 9,0 fyrir tölt, skeið, stökk, vilja og geðslag, fegurð í reið, hægt tölt, bak og lend, samræmi, fótagerð og hófa. Myndband af Glúmi af Worldfeng.

Dagfari frá Álfhólum 8,62. Dagfari er ungur og upprennandi kynbótahestur. Hann hefur m.a.  hlotið í kynbótadómi 9,5 fyrir brokk, vilja og geðslag og fegurð í reið og  9,0 fyrir tölt og stökk. Myndband af Dagfara af Worldfeng.

Hnokki frá Eylandi 8,39. Hnokki er hátt dæmdur klárhestur og hefur í kynbótadómi hlotið 8,50 fyrir hæfileika, þar af 9,5 fyrir tölt, stökk og vilja og geðslag, 9,0 fyrir brokk, fegurð í reið, hægt tölt og hægt stökk.  Í fjórgangi hefur hann hæst hlotið 7,37. Myndband af Hnokka hér.

Vegur frá Kagaðarhóli 8,53. Vegur hefur átt farsælan keppnisferil í fimmgangi. Hann hefur hlotið í kynbótadómi m.a. 9,0 fyrir tölt, vilja og geðslag og fegurð í reið. Myndband af Vegi hér.

Skýr frá Skálakoti 8,70. Skýr er farsæll keppnishestur í fimmgangi og A-flokki. Hann hlaut fyrstu verðlaun fyrir afkvæmi á landsmóti 2018 og hæst dæmda afkvæmi hans er Katla frá Hemlu. Myndband af Skýr af WorldFeng.

Dropi frá Kirkjubæ 8,45. Dropi er upprennandi keppnis- og kynbótahestur. Hann hefur hlotið í kynbótadómi m.a. 9,0 fyrir tölt, vilja og geðslag og fegurð í reið. Myndband af Dropa af WorldFeng.

Barði frá Laugarbökkum 8,51. Barði hefur átt farsælan keppnisferil. Hann hefur hlotið í kynbótadómi m.a. 9,0 fyrir tölt, stökk, fegurð í reið, hægt tölt og bak og lend. Myndband af Barða af WorldFeng.

Bragur frá Ytra-Hóli 8,37. Bragur er með góðan hæfileikadóm m.a. 9,5 fyrir tölt, brokk og fegurð í reið hefur einnig hlotið 9,5 fyrir stökk.  Hann hefur tekið þátt í B-flokk með góðum árangri. Verið í úrslitum á lands og fjórðungsmótum í B-flokki. Myndband af Bragi hér.

Nátthrafn frá Varmalæk 8,72. Nátthrafn hefur hlotið í kynbótadómi 9,05 fyrir hæfileika, þar af 9,5 fyrir skeið og vilja og geðslag, 9,0 fyrir tölt, brokk og fegurð í reið. Myndband af Nátthrafni af WorldFeng.

Álfaklettur frá Syðri-Gegnishólum 8,67. Álfaklettur er að stíga sín fyrstu skref á keppnisbrautinni. Hann hlaut 7,57 í sinni fyrstu keppni í fimmgangi. Í kynbótadómi hefur hann hlotið 9,0 fyrir tölt, vilja og geðslag, höfuð, bak og lend og hófa og 9,5 fyrir samræmi. Myndband af Álfakletti af WorldFeng.

Ellert frá Baldurshaga 8,20. er fyrstur hesta til að fæðast með hinn sérstaka ýruskjótta lit. Ellert er glæsilegur hestur með 8,56 fyrir byggingu, þar af 9,0 fyrir samræmi og hann hefur hlotið fyrir hæfileika m.a. 8,5 fyrir tölt, stökk, fegurð í reið, fet og hægt tölt.

Kjarni frá Þjóðólfshaga 8,30. Kjarni hlaut fyrstu verðlaun fyrir afkvæmi á landsmóti 2011. Hann á mörg mjög hátt dæmd afkvæmi, hæst þeirra er Tign frá Jaðri með 8,73 í aðaleinkunn.

Rjóður frá Hofi 8,47. Rjóður er ungur og efnilegur kynbótahestur. Hann hefur hlotið 8,50 í byggingadóm og 8,45 fyrir hæfileika, þar af 9,0 fyrir fet.

Hjörvar frá Rauðalæk 8,39. Hjörvar er ungur og upprennandi kynbótahestur og hefur hlotið í kynbótadómi m.a. 9,0 fyrir stökk, fegurð í reið, hægt stökk, samræmi, fótagerð og hófa.

Álfgrímur frá Syðri-Gegnishólum 8,47. Álfgrímur er að stíga sín fyrstu skref á keppnisbrautinni. Í kynbótadómi hefur hann hlotið 9,5 fyrir vilja og geðslag og fet og 9,0 fyrir tölt, brokk, fegurð í reið og hægt tölt. Myndband af Álfgrími af WorldFeng.