Gæðingamót Sleipnis, Ljúfs og Háfeta

Gæðingamót og úrtaka Hestamannafélaganna Sleipnis, Ljúfs og Háfeta fór fram á Brávöllum á Selfossi um helgina. Mótið var sýnt í beinni útsendingu á EiðfaxaTV.

Gæðingar í A- og B-flokki

Að lokinni forkeppni í A-flokki var efst Hildur frá Fákshólum sýnd af Helgu Unu Björnsdóttur með einkunnina 8,66 en Hildur keppir fyrir hönd Hestamannafélagsins Ljúfs. Hildur keppti ekki til úrslita en í þeim sigraði Ýr frá Selfossi með einkunnina 8,68 sýnd af Elvar Þormarssyni. Ýr er því handhafi Sleipnisskjaldarins sem veittur er efsta hesti í eigu Sleipnisfélaga í A-flokki.

Í B-flokki var efstur að lokinni forkeppni Flaumur frá Fákshólum sýndur af Guðmundu Ellen Sigurðardóttir með 8,79 í einkunn. Flaumur keppti ekki til úrslita en þar háðu einvígi þeir Þröstur frá Kolsholti sýndur af Helga Þór Guðjónssyni og Vísir frá Kagaðarhóli sýndur af Páli Braga Hólmarssyni. Fór það svo að Þröstur stóð uppi sem sigurvegari með 8,99 en Vísir hlaut 8,93. Þröstur er því handhafi Klárhestaskjaldar Sleipnis.

Í flokki áhugamanna var keppt í B-flokki og stóð þar efstur Hrókur frá Hafragili sýndur af Sigurrósu Lilju Ragnarsdóttur með 8,45 í úrslitum.

Ýr frá Selfossi var efst alhliða gæðinga sýnd af Elvari Þormarssyni. Atli Fannar Guðjónsson tekur við Sleipnisskildi og bikar fyrir Ýr.

Keppendur í yngri-flokkum

Í ungmennaflokki var bæði keppt í A- og B-flokki. Í B-flokknum leiddi að lokinni forkeppni Svandís Aitken Sævarsdóttir á Eik frá Stokkseyri með 8,43 í einkunn en í úrslitum var það Steinunn Lilja Guðnadóttir á Brennu frá Þúfu í Landeyjum sem sigraði með einkunnina 8,66. Í A-flokki leiddi að lokinni forkeppni Elsa Kristín Grétarsdóttir á Spurningu frá Sólvangi með 8,40 í einkunn, þær kepptu ekki til úrslita en þar stóð efst Hrafnhildur Svava Sigurðardóttir á Smyrli frá V-Stokkseyrarseli með 8,50 í einkunn.

Í unglingaflokki var Loftur Breki Hauksson á Fannari frá Blöndósi sem leiddi að forkeppni lokinni með 8,60 í einkunn. Í úrslitum háði hann baráttu við Unni Rós Ármannsdóttur sem hafði sigur á Glóa frá Brjánslæk með 8,71 en Loftur Breki hlaut 8,70.

Í barnaflokki var efst að lokinni forkeppni Sigrún Freyja Einarsdóttir á Silfurtoppi frá Kópavogi með 8,50 í einkunn. Í úrslitum fór það svo að Viðar Ingimarsson sigraði á Frey frá Kvistum með 8,66 í einkunn.

Heildarúrslit