Hilmir frá Sauðárkróki fallinn
Hilmir frá Sauðárkróki er fallinn 28.vetra gamall. Þetta kemur fram á facebook síðu eiganda hans Thorsten Reisinger.
Hilmir var fæddur árið 1992 en ræktandi hans er Sveinn Guðmundsson á Sauðárkróki. Faðir Hilmis er Ófeigur frá Flugumýri og móðir hans Herva frá Sauðárkróki sem var undan Gáska frá Hofsstöðum og Hervöru frá Sauðárkróki.
Hillmir var fyrst sýndur árið 1997 af Eiríki Guðmundssyni á vorsýningu Stóðhestastöðvarinnar í Gunnarsholti hlaut hann þá 8,30 fyrir sköpulag, 7,93 fyrir hæfileika og 8,11 í aðaleinkunn. Hlaut hann m.a. 9,0 fyrir háls, herðar og bóga og bak og lend.
Árið 1998 sýndi Þórður Þorgeirsson hann á vorsýningu í Gunnarsholti og einnig á Landsmótinu á Melgerðismelum. Það árið hlaut hann m.a. 9,5 fyrir skeið.
Hilmir var fluttur út til Þýskalands árið 2002. Hæst dæmda afkvæmi hans er Hafsteinn vom Pfaffenbuck II með 8,42 í aðaleinkunn.