Hvernig skila stóðhestar hæfileikum til afkvæma sinna?

Áður hafði Eiðfaxi fjallað um hvernig þessir sömu hestar skiluðu sköpulagi til afkvæma sinna. Nú rýnum við í eiginleika sem dæmdir eru í hæfileikadómi. Það ber að athuga að fjöldi sýndra afkvæma eru öll þau afkvæmi sem til dóms komu og þá bæði til sköpulags og fullnaðardóms.

Alls áttu 44 stóðhestar fimm dæmd afkvæmi eða fleiri á árinu. Spuni frá Vesturkoti á flest afkvæmi sem til kynbótadóms mættu í ár, alls 38 gripi. Það eru þeir Hersir frá Lambanesi og Álfarinn frá Syðri-Gegnishólum sem eiga yngstu afkvæmin sem til dóms komu, en þau voru að meðaltali 5,0 vetra.

Það er Kiljan frá Steinnesi sem á hæst dæmdu afkvæmin að meðaltali, en af tólf dæmdum afkvæmum var meðaltal hæfileikaeinkunnar þeirra 8,29.

Þegar einstakir eiginleikar eru skoðaðir sést að afkvæmi Herkúlesar frá Ragnheiðarstöðum hljóta hæsta meðaleinkunn fyrir eiginleikanna tölt, stökk, fegurð í reið, vilji og geðslag og hægt stökk.

Afkvæmi Aðals frá Nýjabæ hljóta hæsta meðaleinkunn fyrir eiginleikann brokk. Gangster frá Árgerði á þau afkvæmi sem hæsta einkunn hljóta fyrir skeið. Álfarinn frá Syðri-Gegnishólum skilar, samkvæmt þessu, afkvæmum með hæsta einkunn fyrir eiginleikann fet. Þá eru afkvæmi Kjarna frá Þjóðólfshaga flinkust á hægu tölti.

Töfluna í heild sinni má sjá hér fyrir neðan.