Ískaldir og Svellkaldar haldin í Skautahöllinni

Ísmót LH verða með örlitlu breyttu móti í ár, nýjum viðburði verður bætt við sem mun kallast Ískaldir.

Þar munu ungmenna-, áhugamanna- og opin flokkur spreyta sig á svellinu. Svellkaldar verða á sínum stað í Skautahöllinni en Allra sterkustu mun flytja í Sprettshöllina.

Búið er að festa eftirfarandi dagsetningar:

• 7. mars                 – Ískaldir
• 21. mars              – Svellkaldar
• 4. apríl                  – Allra sterkustu

Skráningar hefjast von bráðar en allur ágóði af skráningargjöldum rennur til íslenska landsliðsins í hestaíþróttum. Þetta kemur fram í tilkynningu frá Landssambandi hestamannafélaga.