Jóhann Skúlason og Evert fra Slippen efstir

Það styttist í Heimsmeistaramótið í Hollandi í ágúst en mótið byrjar á morgun. Gaman er að glugga í WR listana og sjá hvaða knapar hafa verið að ná hæstu einkunnum og bestu tímunum í hverri grein. WR listinn er byggður á þremur hæstu einkunnunum/bestu tímum sem knapi og hestur hafa náð sér í á WR mótum síðustu tvö ár.

Efstir á WR listanum í samanlögðum fimmgangsgreinum er Jóhann R. Skúlason á Evert fra Slippen með 8,29 í einkunn en þeir eru ekki að fara keppa á Heimsmeistaramótinu. Önnur í röðinni er Jóhanna Margrét Snorradóttir á Bárði frá Melabergi með 8,27 og þriðja er Frauke Schenzel á Jódísi vom Kronshof með 8,21.

Það verður spennandi að sjá hvernig þetta mun raðast á mótinu en Jóhanna og Bárður ásamt Viðari og Þór eru bæði skráð í þær greinar sem þarf fyrir samanlagðan árangur. Þarna ætti ungmennið Jón Ársæll Bergmann á Frár frá Sandhóli að koma sterkur inn.

WR Listinn fyrir samanlagðar fjórgangsgreinar.