Konráð og Kastor fljótastir í gegnum höllina

Keppni í flugskeiði í Meistaradeild Líflands gekk hratt og vel fyrir sig og góðir tímar náðust. Konráð Valur Sveinsson og Kastor frá Garðshorni á Þelamörk bættu þar enn einni rós í hnappagatið í skeiðgreinum og unnu á tímanum 5,66 sekúndum.

Þá voru yfirburði liðs Top Reiter/Sumarliðabæjar ótvíræðir í þessari grein en fjórir knapar liðsins sem þátt tóku röðuðu sér í efstu fjögur sætin. Það er áður nefndur Konráð Valur á Kastor efstur, önnur varð Eyrún Ýr Pálsdóttir á Friðsemd frá Kópavog á 5,79 sekúndum, þriðji varð Árni Björn Pálsson á Ögra frá Horni á tímanum 5,86 og í því fjórða Teitur Árnason á sama tíma.  Eyrún Ýr keppti sem uppboðsknapi og taldi því ekki til stiga. Liðabikarinn varð því þeirra í flugskeiði.

Gaman er að segja frá því að þessir þrír efstu urðu einnig í sömu sætum í þessari grein í fyrra.

Nú styttist í að komi í ljós hverjir sigra í heildarstigakeppninni.

Niðurstaða í flugskeiði