Konráð Valur með tvöfaldan sigur í kappreiðaskeiði

Reykjavíkurmeistaramót Fáks er það íþróttamót á Íslandi sem hefur flesta þátttakendur og þar keppa knapar í öllum styrkleikaflokkum frá barnaflokki og upp í fullorðinsflokk í mismunandi styrkleikaflokkum. Mótið er í beinni útsendingu á EiðfaxaTV og því hægt að fylgjast með þar fyrir þá sem ekki eiga heimangengt í Víðidalinn í Reykjavík þar sem mótið fer fram.

Þá er hægt að fylgjast með dagskrá mótsins og niðurstöðum á snjallforriti HorseDay.

Í gærkvöldi lauk keppni í kappreiðaskeiði þe. 250 metra, 150 metra  skeiði. Dagurinn í dag hefst svo á keppni í gæðingaskeiði klukkan 10:00. Í skeiðgreinum náðust mjög góðir tímar og urðu helstu úrslit eftirfarandi.

250 metra skeið

í 250 metra skeiði fóru þeir Konráð Valur Sveinsson og Kastar frá Garðshorni á besta tímanum en hann var 21,25 sekúnda, í öðru sæti varð Sigurður Sigurðarson á Trommu frá Skúfslæk 21,89 sekúnda og í þriðja sæti varð Gústaf Ásgeir Hinriksson á Pilti frá Sturlureykjum á 22,03 sekúndur.  Í ungmennaflokki var það Sara Dís Snorradóttir á Djarfi frá Litla-Hofi sem bestum tíma náði þegar þau fóru á 22,66 sekúndum

150 metra skeið

í þessari vegalengd var það einnig Konráð Valur Sveinsson sem bestum tíma náði nú á Kjarki frá Árbæjarhjáleigu II en þeir fóru á tímanum 13,82 sekúndum. Annar varð Teitur Árnason á Hátíð frá Sumarliðabæ 2 á 14,10 sekúndum og í þriðja sæti varð Hans Þór Hilmarsson á Vorsól frá Stóra-Vatnsskarði á 14,38 sekúndum.

Í ungmennaflokki sigraði Guðrún Lilja Rúnarsdóttir á Kára frá Morastöðum á 15,37 sekúmdum annar varð Sigurður Steingrímsson á Gjafari frá Hrafnsstöðum á 15,84 sekúndum og þriðji Matthías Sigurðsson á Þrym frá Bergsholti á 16,23 sekúndum.

Dagskrá helgarinnar