Konsert með flest sýnd afkvæmi á árinu

Eiðfaxi heldur áfram að gera upp kynbótaárið 2021. Þegar litið er til fjölda sýndra afkvæma í fullnaðardóm er Konsert frá Hofi þar fremstur í flokki með 51 sýnt hross á árinu, þar af 26 stóðhestar.

Hæst dæmda afkvæmi Konserts er Gandi frá Rauðalæk. Gandi var sýndur á vorsýningu á Gaddstaðaflötum og hlaut þar 8,79 fyrir sköpulag, 8,45 fyrir hæfileika og í aðaleinkunn 8,57. Hann er sex vetra gamall og hlaut næst hæstu aðaleinkunn ársins í þeim aldursflokki. Móðir Ganda er Garún frá Árbæ sem er undan Aroni frá Strandarhöfði og Glás frá Votmúla 1. Ræktandi og eigandi Ganda er Elisabet Norderup Michelson

Næstir á eftir Konserti eru þeir Skýr frá Skálakoti og Spuni frá Vesturkoti báðir með 37 sýnd afkvæmi á árinu.

Listi af þeim stóðhestum sem eiga fleiri en 10 sýnd afkvæmi á árinu í fullnaðardóm.