Kynningafundur og afhending knapamerkjaskírteina

Æskulýðsdeild og Fræðsludeild Fáks hafa staðið fyrir öflugu námskeiðahaldi á veturna. Nú sem endra nær verður boðið upp á mikinn fjölda af námskeiðum af öllum stærðum og gerðum og ættu allir að geta fundið eitthvað við sitt hæfi. Kynningafundur verður haldinn miðvikudaginn 25. nóvember í félagsheimili Fáks og hefst hann kl. 20:00. Skráning á námskeiðin verður svo auglýst síðar.

Einnig verður útskrift vegna knapamerkjanámskeiðanna sl. vetur og allir þeir sem voru á þeim námskeiðum, bæði fullorðnir og unglingar, eiga að mæta á fundinn.

Ásamt sýnikennslu og fræðslufundum verður m.a. boðið upp á eftirfarandi námskeið í vetur;

• Knapamerkjanámskeið, bæði fyrir unglinga og fullorðna
• Almenn námskeið
• Einkatímar
• Keppnisnámskeið
• Byrjendanámskeið
• Járningarnámskeið
• Nuddnámskeið (fyrir hrossin að sjálfsögðu)
• Monty Roberts námskeið ofl.

Hlökkum til að sjá ykkur

Fræðsludeild og æskulýðsdeild Fáks