Lið Árbakka/Árbæjarhjáleigu leiðir Suðurlandsdeildina

Nú er farið að styttast í annan endann á Suðurlandsdeild Eques en eitt keppniskvöld er eftir þar sem keppt verður í tveimur greinum, tölti og skeiði í gegnum höllina. Það er því enn mikið af stigum eftir í pottinum og mjótt á munum svo allt getur gerst.

Árbakki/Árbæjarhjáleiga leiðir liðakeppnina með 202 stig. Níu stigum neðar er lið Vöðla/Snilldarverks með 193 stig og í þriðja lið Hestefli með 186 stig.

Liðin hafa skipst á að vera stigahæst í hverri grein svo keppnin í vetur hefur verið jöfn og spennandi. Fyrsta keppniskvöldið var keppt í tveimur keppnisgreinum og var það lið Miðkots/Skeiðvalla sem var stigahæst í parafimi og lið Bakkakots sem var stigahæst í slaktaumatölti. Lið Vöðla/Snilldarverks var stigahæst í fjórgangi annað kvöldið og lið Árbakka/Árbæjarhjáleigu var stigahæst í fimmgangi síðastliðin þriðjudag á þriðja kvöldinu.

Staðan í liðakeppni eftir 4 greinar af 6.

1. Árbakki/Árbæjarhjáleiga 202
2. Vöðlar/Snilldarverk 193
3. Hestefli 186
4. Miðkot/Skeiðvellir 173
5. Krappi 164
6. Bakkakot 160
7. Raflagnaþjónusta Selfoss 157
8. Húsasmiðjan 145
9. Syðri-Úlfsstaðir/Traðarás 123
10. Kastalabrekka 123
11. Wicked viking 119

Síðasta keppniskvöldið fer fram 7. apríl í Rangárhöllinni og hvetjum við alla til þess að fjölmenna í Rangárhöllina.