Lið Lýsis og Sigurður stinga af – úrslit

Eftirfarandi fréttatilkynning barst frá aðstandendum Meistaradeildar:

„Eftir að verðlaunaafhendingu var lokið í fimmgangi Meistaradeildar í
gærkvöldi kom í ljós að villa var í reikniforriti því sem notað var við
útreikninga í úrslitunum. Stjórn Meistaradeildar í hestaíþróttum harmar
þessi mistök sem urðu til þess að rangir knapar voru verðlaunaðir í
nokkrum sætum. Búið er að hafa samband við hlutaðeigandi og biðja þá
afsökunar.

Farið var yfir alla útreikninga kvöldsins og kom í ljós að villan var í
þeim hluta er sneri að a- og b-úrslitum en allar niðurstöður úr forkeppni
voru réttar. Stjórn deildarinnar harmar þennan atburð og mun gera allt í
sínu valdi til að þetta endurtaki sig ekki í framtíðinni.

Það var Íslandsmeistarinn í fimmgangi Hinrik Bragason,
Árbakki/Norður-Götur, á Glym frá Flekkudal sem sigraði fimmganginn í gær
með einkunnina 7,38. Þeir félagar stóðu efstir eftir forkeppni og héldu
því allt til enda með glæsibrag.

Í öðru sæti urðu nafnarnir Sigurður Vignir Matthíasson,
Ganghestar/Málning, á Mætti frá Leirubakka og Sigurður Sigurðarson, Lýsi,
á Sval frá Blönduhlíð með einkunnina 7,00.

Í einstaklingskeppninni trónir Sigurður Sigurðarson, Lýsi, á toppnum með
37 stig eftir að hafa lent í öðru til þriðja sæti í fimmgangnum. Mjótt er
á munum í sætunum þar á eftir en í öðru sæti er Viðar Ingólfsson, Hrímnir,
með 25 stig og í því þriðja er Sigurbjörn Bárðarson, Lýsi, með 24,5 stig.

Í liðakeppninni jókst aftur bilið milli fyrsta og annars sætis en Lýsi
trónir á toppnum með 170,5 stig. En Lýsisliðið átti tvo menn í a-úrslitum
og einn í b-úrslitum. Mjótt er á munum hjá næstu tveimur liðum en í öðru
sæti er Árbakki/Norður-Götur með 147 stig og í því þriðja er Top
Reiter/Ármót/66°Norður með 146 stig.“

A-úrslit urðu eftirfarandi:

1.    Hinrik Bragason    Árbakki / Norður-Götur    Glymur frá Flekkudal   7,38
2.-3.    Sigurður Vignir Matthíasson    Málning / Ganghestar    Máttur frá Leirubakka    7,00
2.-3.    Sigurður Sigurðarson    Lýsi    Svalur frá Blönduhlíð    7,00
4.    Sigurbjörn Bárðarson    Lýsi    Stakkur frá Halldórsstöðum    6,98
5.    Vignir Siggeirsson    Hrímnir    Heljar frá Hemlu    6,79
6.    Viðar Ingólfsson    Hrímnir    Már frá Feti    6,64


B-úrslit urðu eftirfarandi:

6.   Sigurbjörn Bárðarson    Lýsi    Stakkur frá Halldórsstöðum    6,86
7.    Teitur Árnason    Árbakki / Norður-Götur    Þulur frá Hólum    6,71
8.    Þórdís Erla Gunnarsdóttir    Auðsholtshjáleiga    Hreggviður frá Auðsholtshjáleigu    6,62
9.    Edda Rún Ragnarsdóttir    Auðsholtshjáleiga    Hreimur frá Fornusöndum    6,52
10.    Sigurður Óli Kristinsson    Lýsi    Gígur frá Hólabaki    6,40

Staðan í stigakeppni einstaklinga og liða er eftirfarandi eftir mótið í gær:

Liðakeppni

1    Lýsi    170,5
2    Árbakki/Norður-Götur    147
3    Top Reiter/Ármót/66°Norður    146
4    Auðsholtshjáleiga    133,5
5    Hrímnir    129,5
6    Málning/Ganghestar    120,5
7    Spónn.is    76

Einstaklingskeppni

1    Sigurður Sigurðarson    Lýsi    37
2    Viðar Ingólfsson    Hrímnir    25
3    Sigurbjörn Bárðarson    Lýsi    24,5
4    Hinrik Bragason    Árbakki/Norður-Götur    21,5
5    Hulda Gústafsdóttir    Árbakki/Norður-Götur    21
6    Jakob Sigurðsson    Top Reiter/Ármót/66°Norður    20
7    Sigursteinn Sumarliðason    Spónn.is    14
8    Sigurður Vignir Matthíasson    Málning/Ganghestar    12
9    Hekla Katharína Kristinsdóttir    Auðsholtshjáleiga    11
10    Bylgja Gauksdóttir    Auðsholtshjáleiga    10
11 – 12    Bergur Jónsson    Top Reiter/Ármót/66°Norður    6
11 – 12    Vignir Siggeirsson    Hrímnir    6
13    Þorvaldur Árni Þorvaldsson    Top Reiter/Ármót/66°Norður    5
14 -15    Snorri Dal    Hrímnir    4
14 -15    Teitur Árnason    Árbakki/Norður-Götur    4
16 -17    John Kristinn Sigurjónsson    Málning/Ganghestar    3
16 -17    Þórdís Erla Gunnarsdóttir    Auðsholtshjáleiga    3
18 – 19    Valdimar Bergstað    Málning/Ganghestar    2
18 – 19    Edda Rún Ragnarsdóttir    Auðsholtshjáleiga    2
20    Sigurður Óli Kristinsson    Lýsi    1